ქართულ-ამერიკული სკოლის მოსწავლეთა გუნდმა ბოულინგის სასკოლო ტურნირში პირველობა მოიპოვა

ბოულინგ კლუბ Lebowski-ს ინიციატივითა და საქართველოს განათლებისა და მეცნიერების სამინისტროს მხარდაჭერით ჩატარდა მასშტაბური სასკოლო ტურნირი, რომლის მიზანი იყო ჯანსაღი ცხოვრების წესის პოპულარიზაცია და მოზარდებში სპორტული აქტივობებისადმი ინტერესის ამაღლება.  ქართულ-ამერიკული სკოლის VIII კლასის მოსწავლეთა გუნდმა მოიპოვა გამარჯვება და I ადგილი დაიკავა.

ქართულ-ამერიკული სკოლის გუნდის წევრი ნოდარ ტრაპაიძე კი ფინალური ტურის საუკეთესო მოთამაშედ დასახელდა. გამარჯვებული გუნდი დაჯილდოვდა თასითა და სხვადასხვა პრიზით.
ქართულ-ამერიკული სკოლა მოსწავლეებს ულოცავს და უსურვებს მრავალ გამარჯვებას.