22 დეკემბერი, 2017 18:10
ქართულ-ამერიკული უმაღლესი სკოლა უკვე TOEFL-ის ოფიციალური წარმომადგენელია საქართველოში
ქართულ-ამერიკული უმაღლესი სკოლა გახდა TOEFL-ის ოფიციალური წარმომადგენელი საქართველოში. აღნიშნული სტატუსი სკოლას ორი ძირითადი ფაქტორის გათვალისწინებით მიენიჭა:
- ინგლისური ენის გამორჩეული სწავლება, რომლის პროგრამა და სასწავლო მეთოდოლოგია ორიენტირებულია TOEFL-ის გამოცდისთვის საჭირო უნარ-ჩვევების განვითარებაზე.
- გამოცდებისთვის შესაბამისი ინფრასტრუქტურა და გარემო.
აღსანიშნავია, რომ საქართველოს სკოლებიდან მხოლოდ ქართულ-ამერიკულ უმაღლეს სკოლას მიენიჭა აღნიშნული ტიტული. ამიერიდან ქართულ-ამერიკულ უმაღლეს სკოლაში ჩატარდება TOEFL IBT-ის გამოცდები, როგორც სკოლის მოსწავლეთათვის, ისე ნებისმიერ მსურველთათვის.
16 დეკემბერს ქართულ-ამერიკულმა უმაღლესმა სკოლამ უკვე უმასპინძლა TOEFL IBT-ზე დარეგისტრირებულ მსურველებს. ასევე ჩატარდა TOEFL Primary, Junior და ITP-ის გამოცდები, სადაც მონაწილეობა მიიღეს ქართულ-ამერიკული უმაღლესი სკოლის მოსწავლეებმა.
