,,შავნაბადასა” და თსუ-ის ერთობლივი პროექტის პირველი გაცნობითი ხასიათის შეხვედრა გაიმართა

19 ოქომბერს გიმნაზია ,,შავნაბადასა” და ივ. ჯავახიშვილის სახელობის თბილისის სახელმწიფო უნივერსიტეტის ერთობლივი პროექტის – ტრენინგ კურსის ,,ზოგადი სამართალი” პირველი გაცნობითი ხასიათის შეხვედრა გაიმართა.

კურსის განმავლობაში მოსწავლეები ინფორმაციას მიიღებენ სამართალთან დაკავშირებულ მათთვის საინტერესო თემებზე. შეასრულებენ სხვადასხვა სავარჯიშოს, ჯგუფურ სამუშაოებს და ითამაშებენ როლურ თამაშებს. ტრენინგის ბოლოს მოეწყობა იმიტირებული სასამართლო პროცესი.

კურსის ხანგრძლივობა 3 თვეა. მეცადინეობები ჩატარდება ყოველ ორშაბათს, 15:30 წუთზე, გიმნაზია “შავნაბადას” შენობაში.

ტრენინგის ბოლოს მოსწავლეებს გადაეცემათ სერტიფიკატები.