სკოლა “სადუნში” მურმან ჯინორიასთან შეხვედრა გაიმართა

,,სადუნს” ესტუმრა ქართული კინოსა და თეატრის მსახიობი, მხატვრული კითხვის ოსტატი, ბატონი მურმან ჯინორია.

სადუნელების მხატვრული კითხვისადმი განსაკუთრებული ინტერესისა და პოეზიისადმი სიყვარულიდან გამომდინარე ბატონი მურმანი ბევრს ესაუბრა მოსწავლეებს თავისი პროფესიის თავისებურებებისა და პოეზიის შესახებ.

მოსწავლეებმა თავადაც წაიკითხეს ლექსები და, რასაკვირველია, მოისმინეს ქართველი მსახიობის განუმეორებელი მანერით წაკითხული პოეტური შედევრები.