თამარ მეფის სახელობის გიმნაზიაში მსახიობ ლეო ანთაძეს უმასპინძლეს

წმიდა თამარ მეფის სახელობის გიმნაზიის სახელოვნებო სივრცეში, მოეწყო შეხვედრა ცნობილ ქართველ მსახიობთან, საქართველოს სახალხო არტისტთან, ბატონ ლეო ანთაძესთან.

მსახიობმა მოსწავლეების წინაშე წარმოადგინა სცენები და მონოლოგები, მარჯანიშვილის სახელობის თეატრის სპექტაკლებიდან, საინტერესოდ წაიკითხა ვაჟა ფშაველას პოემა “ბახტრიონი”, გაიხსენა თავისი ცხოვრების ეპიზოდები და კოლეგებთან ურთიერთობები, უპასუხა მოსწავლეთა შეკითხვებს.

ბატონ ლეოს პარტნიორობას უწევდა პროექტის პროდიუსერი, ეროვნული ფილარმონიის დირექტორი, ბატონი ლადო ხელაშვილი.

დარბაზში ოვაციებით ხვდებოდნენ თითოეულ ნომერს სტუმარიც მოიხიბლა მსმენელთა დიდი კულტურით და მადლობაც გადაუხადა მათ შეხვედრის დასასრულს გიმნაზიის რექტორმა, დეკანოზმა მირიან სამხარაძემ, მადლობა გადაუხადა ბატონ ლეოს მობრძანებისათვის, დალოცა და ხანგრძლივი სიცოცხლე და შემოქმედებითი მოღვაწეობა უსურვა.

სკოლის სხვა ამბები