თანამედროვე განათლების აკადემია 1-ლ ივნისს საქველმოქმედო გამოფენა-გაყიდვაზე გიწვევთ

თანამედროვე განათლების აკადემია აგრძელებს ტრადიციას და წელსაც, ბავშვთა დაცვის დღეს, 1-ლ ივნისს გეპატიჟებათ აკადემიის სკოლის მოსწავლეებისა და საბავშვო ბაღის აღსაზრდელების ნამუშევრების საქველმოქმედო გამოფენა-გაყიდვაზე.

გამოფენა-გაყიდვაზე წარმოდგენილი იქნება ბავშვების მიერ დამზადებული ფერწერული ნამუშევრები, თიხის ნაკეთობები, მუსიკალური და საცეკვაო ნომრები. ამ დღისთვის აკადემიელები განსაკუთრებულად ემზადებიან, რადგან იციან, შემოსული თანხა მთლიანად მოხმარდება გაჭირვებულ ოჯახებს.

ღონისძიება 1-ლ ივნისს 11:00 საათიდან დაიწყება.