თანამედროვე განათლების აკადემიას სახალხო დამცველი ესტუმრა

დღეს თანამედროვე განათლების აკადემიას სახალხო დამცველი, უჩა ნანუაშვილი, ესტუმრა.
მან აკადემიის მოსწავლეებთან სახალხო დამცველის უფლებამოსილებისა და საქმიანობის შესახებ ისაუბრა. ასევე ყურადღება გაამახვილა საკითხზე – რა როლი მიუძღვის ამ ინსტიტუტს ადამიანის უფლებათა და თავისფულებათა დაცვის საქმეში.

შეხვედრა კითხვ-პასუხის რეჟიმში წარიმართა. სახალხო დამცველმა, თანამედროვე განათლების აკადემიის მოსწავლეებთან ერთად, ადამიანის უფლებების დარღვევებთან დაკავშირებული სხვადასხვა შემთხვევა განიხილა.