თანამედროვე განათლების აკადემიაში წინა საახალწლო განწყობა სუფევს

ახალი წელი ახლოვდება და თანამედროვე განათლების აკადემიაშიც წინა საახალწლო განწყობა სუფევს. საახალწლო სამზადისის ყველაზე სასიამოვნო პროცესი ნაძვის ხის აწყობაა, რომლისთვისაც ჩვენი ბავშვები და მათი პედაგოგები საგანგებოდ ემზადებიან და საგულდაგულოდ არჩევენ ნაძვის ხეებსა და სათამაშოებს.

სკოლის მოსწავლეები დიდი მონდომებით ხატავენ და აფერადებენ ნახატებს საახალწლო თემატიკაზე, თავიანთი ხელით ქმნიან სხვადასხვა აქსესუარებს საახალწლო ზეიმის გასაფორმებლად.

თითოეული ნაძვის ხე მართლაც გამორჩეულად ლამაზი და ორიგინალურია.