თანამედროვე განათლების აკადემიის I კლასში ინგლისური ენისა და ქართული ენის ინტეგრირებული აქტივობა ჩატარდა

თანამედროვე განათლების აკადემიის Iგ კლასში ინგლისური ენისა და ქართული ენის ინტეგრირებული აქტივობა სახელწოდებით Guess who? ჩატარდა. მოსწავლეებმა ბავშვობის ადრეული ასაკის ფოტოებიდან ამოიცნეს თანაკლასელები და ინგლისურ ენაზე წარმოთქვეს წინადადებები – ამ აქტივობით მოხდა ახლადნასწავლი მასალის – პირის ნაცვალსახელების – მართებულად გამოყენების განმტკიცება.

აქტივობის მეორე ნაწილი დაეთმო ქართულ ენაში ტექსტის გააზრებას, მთავარი და არამთავარი პერსონაჟების გარჩევას. მოსწავლეებმა მოთხრობა ,,ბაო-ბაო“- ს მიხედვით მოახდინეს ცოდნის ტრანსფერი ბუშტებისა და საკუთარი ფოტოების გამოყენებით.