100 და 200 ლარიანი დახმარებები ერთი და ორი წლით – რომელ ბავშვებს შეუძლიათ პროგრამით სარგებლობა

დემოგრაფიული მდგომარეობის გაუმჯობესების ხელშეწყობის მიზნობრივი სახელმწიფო პროგრამა მაღალმთიან დასახლებაში მუდმივად მცხოვრები ბავშვებისთვის ყოველთვიურ ფინანსურ დახმარებას ითვალისწინებს.

სოციალური მომსახურების საააგენტოს დღევანდელი ინფორმაციით, პროგრამის მოსარგებლეა 2016 წლის 1 იანვრიდან დაბადებული ბავშვი (საქართველოს მოქალაქე), რომლის ერთ-ერთი მშობელი არის მაღალმთიან დასახლებაში მუდმივად მცხოვრები პირი და მინიჭებული აქვს შესაბამისი სტატუსი.

ფულადი დახმარების დასანიშნად საჭიროა ბავშვის ბიოლოგიური დედის/ოჯახის განცხადება, ფაქტობრივი საცხოვრებელი ადგილის მიხედვით ასევე ყველა საჭირო დოკუმენტაცია, წარედგინება სააგენტოს შესაბამის ტერიტორიულ ერთეულს.

რა სახის დოკუმენტები უნდა დაერთოს განცხადებას

• ბავშვის/ბავშვების მშობლების ან კანონიერი წარმომადგენელის პირადობის დამადასტურებელი დოკუმენტები (კანონიერი წარმომადგენლის შემთხვევაში კანონიერი წარმომადგენლობის დამადასტურებელი დოკუმენტი)
• მაძიებლისა და სხვა შვილების დაბადების მოწმობები
• მშობლის მაღალმთიან დასახლებაში მუდმივად მცხოვრები პირის სტატუსის დამადასტურებელი დოკუმენტი

რა ოდენობისაა ფულადი დახმარება

• პირველ და მეორე შვილზე ერთი წლის განმავლობაში ყოველთვიურად -100 ლარი
• მესამე ან მომდევნო ბავშვზე ორი წლის განმავლობაში ყოველთვიურად – 200 ლარი
• მეორე და მესამე ტყუპის შემთხვევაში ერთ-ერთ ტყუპისცალს ერთი წლის განმავლობაში
  ყოველთვიურად – 100 ლარი, ხოლო მეორეს – ორი წლის განმავლობაში ყოველთვიურად – 200 ლარი

სოციალური მომსახურების საააგენტოს განმარტებით, მაღალმთიან დასახლებაში მუდმივად მცხოვრები ბავშვის დახმარება დოკუმენტაციის წარდგენიდან, მომდევნო თვის პირველი რიცხვიდან ინიშნება.