15 ბავშვის მოწამვლის შემდეგ საბავშვო ბაღში მოკვლევა ტარდება
ბოლნისის საბავშვო ბაღში ბავშვების ინტოქსიკაციის ფაქტზე სურსათის ეროვნული სააგენტო მოკვლევას ატარებს. როგორც სააგენტოს მიერ დღეს, 7 ნოემბერს გავრცელებული ინფორმაციიდან ირკვევა, საუბარია 15 ბავშვის სავარაუდო კვებით ინტოქსიკაციაზე.
მათივე ცნობით, არაგეგმიური შემოწმება მიმართვის შემდეგ დაიწყო.
“სურსათის ეროვნული სააგენტოს ქვემო ქართლის რეგიონული სამმართველოს ინსპექტირების ჯგუფი ბოლნისის მუნიციპალიტეტის N6 საბავშვო ბაღში (მის: ტაბიძის ქ.N44), არაგეგმურ ინსპექტირებას ახორციელებს. შემოწმება, დაავადებათა კონტროლისა და საზოგადოებრივი ჯანმრთელობის ეროვნული ცენტრიდან 15 ბავშვის სავარაუდო კვებითი ინტოქსიკაციის შესახებ მიღებული შეტყობინების საფუძველზე მიმდინარეობს. შემოწმების პროცესში ლაბორატორიული კვლევისთვის აღებულია შეტყობინებაში დასახელებული სურსათის/ნედლეულის ნიმუშები. ინსპექტირებისა და ლაბორატორიული კვლევის შედეგების შესახებ, საზოგადოებას დამატებით ეცნობება”, – წერია სურსათის ეროვნული სააგენტოს ინფორმაციაში.
- საქართველოში საშუალო თვიური ხელფასი 2 005-ლარამდე გაიზარდა – განათლების სექტორის მაჩვენებელი 2024 წლის II კვარტალში by ინფოLIFE
- თუ სწავლის დაწყების პირველ დღეს შვილების ფოტოების სოციალურ ქსელებში გამოქვეყნებას აპირებთ – რჩევები უსაფრთხოებისთვის by ინფოLIFE
- სკოლის მანდატურების შესარჩევი კონკურსი გამოცხადდა – რეგიონების სია, ხელფასი და საკონკურსო პირობები by ინფოLIFE