2019 წლის სკოლის ექსტერნატის გამოცდების ჩატარებისა და რეგისტრაციის ვადები დადგინდა

2019 წლის სკოლის ექსტერნატის გამოცდების ჩატარებისა და რეგისტრაციის ვადები დადგინდა. ზოგადი განათლების ცალკეული კლასის/სემესტრის, ასევე ცალკეულ კლასში/სემესტრში შემავალი საგნის/საგნების ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევის გამოცდის ჩატარების და ექსტერნად რეგისტრაციის ვადების დადგენის შესახებ განათლების, მეცნიერების, კულტურისა და სპორტის მინისტრმა ბრძანება გამოსცა.

გამოცდაზე რეგისტრაციის ვადა:

• აპლიკანტები რეგისტრაციას გაივლიან 2019 წლის 18 თებერვლიდან – 2019 წლის 28 თებერვლის ჩათვლით

გამოცდების ჩატარების განრიგი:

• გამოცდები ჩატარდება დარეგისტრირებულთათვის  2019 წლის 15 მარტიდან 2019 წლის 25 მარტის ჩათვლით.

აპლიკანტები რეგისტრაციას გაივლიან ყოფილი ან მოქმედი სკოლის შესაბამის საგანმანათლებლო რესურსცენტრში, სკოლის ადგილმდებარეობიდან გამომდინარე.