„ჩვენ ვატყუებთ იურიდიული ფაკულტეტის სტუდენტებს, ვამზადებთ პროფესიისთვის, რომელიც არ არსებობს“

„გირჩის“ დეპუტატი იაგო ხვიჩია, სასამართლო სისტემაზე საუბრისას აცხადებს, რომ ხელისუფლება იურიდიული ფაკულტეტის სტუდენტებს ატყუებს, რადგან მათ ისეთი პროფესიისთვის ამზადებს, რომელიც ქვეყანაში რეალურად ვერ შეიქმნა. ამის შესახებ მან 25 მაისს პარლამენტის პლენარულ სესიაზე განაცხადა.

„ჩვენ ვატყუებთ ყველას, ისევე, როგორც იურიდიული ფაკულტეტის სტუდენტებს, ისევე, როგორც მე მომატყუა სახელმწიფომ, თითქოს, ამ ქვეყანაში მოსამართლეობა შეიძლებოდა. ჩვენ ვამზადებთ პროფესიისთვის, რომელიც ბუნებაში არ არსებობს და არაფერს არ ვაკეთებთ ამ საკითხის აღმოსაფხვრელად. ყველა პრობლემა, რაც ახლა ჩვენ გვაწუხებს, სასამართლოს ბრალია, იმიტომ, რომ მტყუან-მართლის გამრჩევი ორგანო არ გვყავს“, – ამბობს დეპუტატი.