კოვიდინფიცირებული ბავშვების მიმართვიანობამ მნიშვნელოვნად იმატა – ინფექციონისტი

კორონავირუსით ინფიცირებული ბავშვების რიცხვი კვლავ მზარდია. სპეციალისტების თქმით, მიმართვიანობა წინა თვეებთან შედარებით მომატებულია.

მედიკოსების შეფასებით, ბავშვთა ასაკში ინფიცირება უფროსი თაობის პასუხისმგებლობაა, რადგან უფროსებმა უნდა უზრუნველყონ თავის დაცვა, რათა ბავშვებიც დაცულები იყვნენ ინფიცირებისგან.

„ბოლო ორი თვეა, ბავშვთა ასაკში მიმართვიანობამ მნიშვნელოვნად იმატა. აღსანიშნავია, რომ ინფიცირებული ბავშვები სიმპტომების მრავალფეროვნებით გამოირჩევიან. თუ საკუთარ ავადობას ჩვენ თვითონ განვსაზღვრავთ, ბავშვების ავადობა აბსოლუტურად ჩვენზეა დამოკიდებული. ამიტომ ძალიან მნიშვნელოვანია, რომ გავუფრთხილდეთ პატარებს“, – განცხადა ბავშვთა ინფექციონისტმა სალომე ბულიამ 19 აგვისტოს.

წყარო: imedinews.ge

ამავე თემაზე:

„ერთადერთი შესაძლებლობა, მშობლებმა აიცილონ ბავშვების ინფიცირება, არის ვაქცინაცია“ – ივანე ჩხაიძე

„12 წლის ზემოთ გამოყენების ავტორიზაცია ჩინეთში სინოფარმის ვაქცინამ მიიღო, ჩვენ ველოდებით ჯანმოს რეკომენდაციას“