ქიმიის საატესტატო გამოცდაზე მე–11 კლასელთა 5% ჩაიჭრა – გამოსაშვები გამოცდები დასრულდა

2017 წლის მე–11 კლასის საატესტატო გამოცდები დღეს ქიმიის გამოცდით დასრულდა.

შეფასებისა და გამოცდების ეროვნული ცენტრის ინფორმაციით, ზღვარი ქიმიაში მოსწავლეთა 95%–მა წარმატებით გადალახა, 5% კი ჩაიჭრა. მათ გამოცდის განმეორებით ჩაბარების შესაძლებლობა მე–12 კლასის დასრულების შემდეგ ექნებათ.

მე–11 კლასელებმა 4 საატესტატო გამოცდა ჩააბარეს და საგნების მიხედვით სტატისტიკა ასე გამოიყურება:

გეოგრაფია წარმატებით ჩააბარა მოსწავლეთა 98%–ზე მეტმა.

ბიოლოგიის გამოცდაზე ზღვარი წარმატებით გადალახა მოსწავლეთა 95,5%–მა.

ფიზიკის გამოცდაზე ზღვარი წარმატებით გადალახა მოსწავლეთა 85%–მა.

ქიმიის გამოცდაზე ზღვარი წარმატებით გადალახა მოსწავლეთა 95%–მა.

ერთიანი ეროვნული გამოცდები 3 ივლისს დაიწყება. თვის ბოლომდე აპლიკანტები საგამოცდო ბარათების ამობეჭდვას უკვე შეძლებენ.

ინფორმაცია გამოცდების შესახებ