რა ანაზღაურებას მიიღებენ საზაფხულო სკოლებსა და ახალგაზრდულ ბანაკებში დასაქმებული ექიმები და ექთნები – დადგენილება

მთავრობის დადგენილების თანახმად, ახალგაზრდული ბანაკებისა და საზაფხულო სკოლების განხორციელების პროცესში დასაქმებული ექიმებისა და ექთნების სახელფასო ფონდის მინიმალური ოდენობები დადგინდა.

საქართველოს პრემიერ-მინისტრის, ირაკლი კობახიძის ხელმოწერით განისაზღვრა, რომ პროგრამის „ახალგაზრდული ბანაკით“ განსაზღვრული ღონისძიებების ფარგლებში:

თითოეულ ბანაკს ყოველთვიურად ემსახურება ერთი ექიმი და ერთი ექთანი. ყოველთვიურად ექიმის მინიმალური სახელფასო ფონდი განისაზღვრება 1 500 ლარით, ხოლო ექთნის მინიმალური სახელფასო ფონდი – 1 100 ლარით.

თითოეული ბანაკისათვის ყოველთვიურად შეისყიდება არაუმეტეს 1000 ლარის ღირებულების მედიკამენტები და სამედიცინო დანიშნულების საგნები.

გარდა ამისა, ექიმის/პარამედიკოსის მინიმალური სახელფასო ფონდი განისაზღვრება 1 500 ლარით, ხოლო ექთნის/უმცროსი ექიმის მინიმალური სახელფასო ფონდი – 1 100 ლარით.

პროგრამის „საზაფხულო სკოლებით“ განსაზღვრული ღონისძიებების ფარგლებში კი:

თითოეულ სკოლას ყოველთვიურად ემსახურება ერთი ექიმი და ერთი ექთანი. ყოველთვიურად ექიმის მინიმალური სახელფასო ფონდი განისაზღვრება 1 500 ლარით, ხოლო ექთნის მინიმალური სახელფასო ფონდი – 1 100 ლარით.

აქაც, თითოეული სკოლისთვის ყოველთვიურად შეისყიდება არაუმეტეს 1000 ლარის ღირებულების მედიკამენტები და სამედიცინო დანიშნულების საგნები.