თბილისის საბავშვო ბაგა-ბაღების სააგენტოს განცხადება საბავშვო ბაღებში შეტანილი რძის პროდუქტებზე

თბილისის საბავშვო ბაგა-ბაღების სააგენტო განცხადებას ავრცელებს.

როგორც განცხადებაშია აღნიშნული, თბილისის საბავშვო ბაგა-ბაღებისთვის მიწოდებული რძე და რძის პროდუქტები სრულად შეესაბამება სახელმწიფოს მიერ დადგენილ ყველა სტანდარტს.

„საზოგადოების მაღალი ინტერესის გათვალისწინებით, გვინდა, გაცნობოთ, რომ რძე და რძის პროდუქტები, რომელიც მიეწოდება თბილისის საბავშვო ბაგა-ბაღებს, სრულად შეესაბამება სახელმწიფოს მიერ დადგენილ ყველა სტანდარტს.

თბილისის საბავშვო ბაგა-ბაღებში, პროდუქტის მიწოდებიდან მომზადების ჩათვლით, კვების პროცესის სრული კონტროლი სისტემატურად ხორციელდება.

თბილისის საბავშვო ბაგა-ბაღების მართვის სააგენტო ხელმძღვანელობს იმ ტექნიკური დადგენილებებითა და რეგულაციებით, რაც სახელმწიფო სტანდარტებით არის განსაზღვრული. ბაღებში 60-მდე სახეობის საკვები პროდუქტი შედის და ყველა ტექნიკური მოთხოვნა, რაც ვრცელდება საბავშვო ბაღებზე, თითოეული დაწესებულების მიერ არის ზედმიწევნით დაცული“, – აღნიშნულია უწყების განცხადებაში.

რძის პროდუქტების შემოწმების შედეგები შეგიძლიათ, იხილოთ ბმულზე.