თამარ მეფის გიმნაზიელები კოჯორში გმირთა მემორიალთან

23 თებერვალს, ქართველი იუნკრების ხსოვნის დღესთან დაკავშირებით, საქართველოს საპატრიარქოს წმიდა თამარ მეფის სახელობის გიმნაზიისა და ხელოვნების სკოლა-პანსიონის მოსწავლეები, მასწავლებლები, თანამშრომლები, ტრადიციულად კოჯორს ვესტუმრეთ;

სადაც გიმნაზიის რექტორმა დეკანოზმა მირიან სამხარაძემ რუსეთ-საქართველოს ომში დაღუპული ქართველი იუნკრების სულის მოსახსენებელი პანაშვიდი გადაიხადა;

რუსეთ საქართველოს ომისა და ქართველი გმირი იუნკრების თავგანწირული ბრძოლის შესახებ გიმნაზიის პედაგოგმა თეა ხარაზიშვილმა და გიმნაზიის მოსწავლეებმა ისაუბრეს;

მოწავლეებმა გმირთა მემორიალი გვირგვინით შეამკეს, გმირებისადმი მიძღვნილი ლექსები წაიკითხეს და სამახსოვრო ფოტოები გადაიღეს.

გმირთა მემორიალთან საკუთარი ლექსები წაიკითხა საქართველოს სახალხო პოეტმა თინათინ მღვდლიაშვილმა.

მოსწავლეებთან ერთად კოჯორში იმყოფებოდნენ: გიმნაზიის აღმასრულებელი დირექტორი მაყვალა ანთაძე, გიმნაზიის საზოგადოებასთან ურთიერთობის მენეჯერი და ხელოვნების სკოლა-პანსიონის დირექტორი ნანა (ციცინო) ანთაძე, კლასგარეშე ღონისძიებების მენეჯერი რუსუდან რევაზიშვილი, ხელოვნების სკოლა-პანსიონის საცხოვრებელი კამპუსის კოორდინატორი ნინო ცეცხლაძე, პედაგოგები: ლეილა სამხარაძე, ზურაბ გოგოლაძე, თეა ხარაზიშვილი. მაია ნამორაძე, ლელა ხომასურიძე.

პედაგოგებმა და მოსწავლეებმა მემორიალთან სამახსოვრო სურათები გადაიღეს ნაკლების ნახვა

სკოლის სხვა ამბები