72-ე საჯარო სკოლას წიგნის საჯაროდ კითხვის მსოფლიო დღესთან დაკავშირებით მწერალი და პოეტი დიანა ამფიმიადი ეწვია

2019 წლის 1-ლ თებერვალს 72-ე საჯარო სკოლას წიგნის საჯაროდ კითხვის მსოფლიო დღესთან დაკავშირებით ესტუმრა მწერალი და პოეტი დიანა ამფიმიადი. ის შეხვდა მე-5, მე-6 და მე-7 კლასის მოსწავლეებს, ესაუბრა მათ წიგნების კითხვის უდიდეს მნიშვნელობაზე, წაუკითხა საკუთარი ზღაპრები, დაინტერესდა იმ ლიტერატურით, რომელსაც ჩვენი ბავშვები ეცნობიან.

“დასასრულისკენ კი სტუმარმა სიხარულით აღნიშნა, რომ ასეთი ნაკითხი მოსწავლეები სკოლებში ჯერ არ მინახავს-ო… რაც ძალზედ სასიამოვნო კომპლიმენტია ჩვენთვის. მადლობა დიანას სასიამოვნო დღისთვის”, – აღნიშნეს სკოლის დირექციაში.