გიმნაზიის მიერ 19 ოქტომბერს გამოქვეყნებული ინფორმაციით, ვიზიტის ფარგლებში მათ მოინახულეს ბირთვული კვლევების ევროპული ცენტრი (CERN), გაეცნენ ცენტრში მიმდინარე ექსპერიმენტებსა და სამეცნიერო საქმიანობას, დაათვალიერეს სხვადასხვა კვლევითი ობიექტი და მონაწილეობა მიიღეს სპეციალურად მათთვის ორგანიზებულ პრაქტიკულ ვორკშოპში.

CERN-ში ვიზიტისას მოსწავლეები გაეცნენ ნაწილაკების ამაჩქარებლის მუშაობის პრინციპებსა და დანიშნულებას. პრაქტიკულმა აქტივობებმა მათ შესაძლებლობა მისცა, თეორიული ცოდნა სამეცნიერო კვლევებთან დაეკავშირებინათ და თანამედროვე ფიზიკის მნიშვნელობა უკეთ გაეაზრებინათ.

ვიზიტის ერთ-ერთი მნიშვნელოვანი ნაწილი CERN-ში მომუშავე ქართველ ფიზიკოსებთან შეხვედრა იყო. მეცნიერებმა მოსწავლეებს საკუთარი პროფესიული გამოცდილება, კვლევითი საქმიანობის სპეციფიკა და საერთაშორისო სამეცნიერო გარემოში მუშაობასთან დაკავშირებული გამოწვევები გაუზიარეს.

სამეცნიერო პროგრამის ფარგლებში მოსწავლეებმა ასევე ჟენევის სამეცნიერო მუზეუმი, ჟენევაში გაეროს შტაბ-ბინა და ბერნში აინშტაინის სახლ-მუზეუმი მოინახულეს. ამ ვიზიტებმა მათ შესაძლებლობა მისცა, მეცნიერების ისტორიას, მნიშვნელოვან სამეცნიერო მიღწევებსა და საერთაშორისო თანამშრომლობის მნიშვნელობას უფრო ახლოს გაცნობოდნენ.

შვეიცარიაში მიღებულმა გამოცდილებამ მოსწავლეებს გაუღრმავა ინტერესი მეცნიერებისა და თანამედროვე ტექნოლოგიების მიმართ, გააფართოვა მათი ცოდნა და გააცნო საერთაშორისო სამეცნიერო საქმიანობის პრაქტიკული მხარე.

სამეცნიერო ტურში მონაწილეობდნენ: ანასტასია დოხნაძე, მარიამ ლომიძე, ნატალია ყორშია, ელენე ჩოგოვაძე, ბარბარე კოშაძე, თინათინ ჩოხელი, დავით წიკლაური, ნიკოლოზ ჯღარკავა, ანდრია მეტრეველი, ლაზარე ბარბაქაძე, ლაზარე დაუთაშვილი, ალექსანდრე დავითიძე, ნიკოლოზ იავორსკი, დემეტრე წიკლაური, გიორგი მინესაშვილი. ჯგუფის ლიდერი: ნინო აბესაძე, თინათინ ლაღიძე.

უფრო კონკრეტულად, საქართველოში დემოგრაფიული ვითარების (2025) შესახებ საქსტატის მიერ 16 ოქტომბერს გამოქვეყნებული ანგარიშის თანახმად, 2025 წელს ემიგრაციაში წავიდა:

• 0 ასაკობრივ ჯგუფიდან – 2 872 პირი
• 1-4 ასაკობრივი ჯგუფიდან – 2 709 პირი
• 5-9 ასაკობრივი ჯგუფიდან – 2 894 პირი
• 10-14 ასაკობრივი ჯგუფიდან – 2 683 პირი
• 15-19 ასაკობრივი ჯგუფიდან – 6 535 პირი

რაც შეეხება ამავე ასაკობრივ ჯგუფებში სქესის მიხედვით ემიგრანტების რიცხოვნობას, მონაცემები ასეთია:

• 0 წლის: ბიჭი – 1 618, გოგონა – 1 254
• 1-4 წლის: ბიჭი -1 432, გოგონა – 1 277
• 5-9 წლის: ბიჭი – 1 521, გოგონა – 1 373
• 10-14 წლის: ბიჭი – 1 534, გოგონა – 1 149
• 15-19 წლის: ბიჭი – 3 739, გოგონა – 2 796

განსაკუთრებით დაინტერესებულთათვის საქსტატის ანგარიში

ასევე იხილეთ:

საქართველოს რომელ რეგიონში რამდენი სკოლაა და რომელი მუნიციპალიტეტები ლიდერობს – საქსტატის ბოლო მონაცემები

როგორია მოსწავლეთა და სკოლების რაოდენობა ოკუპირებულ გალსა და ახალგორში – ომბუდსმენი საგანგაშო სტატისტიკაზე საუბრობს

გიმნაზიის მიერ 15 ოქტომბერს გამოქვეყნებული ინფორმაციით, ვიზიტის ფარგლებში გაიმართა შეხვედრა სკოლის დამფუძნებლებთან, რა დროსაც მხარეებმა გლობალური განათლების მიმართულებით სამომავლო თანამშრომლობის პერსპექტივები განიხილეს.

შეხვედრაზე ბრიტანული მხარის წარმომადგენლებმა და სკოლის დამფუძნებლებმა იმსჯელეს იმ ინოვაციური საგანმანათლებლო მოდელის დანერგვაზე, რომელიც მოსწავლეებს საშუალებას მისცემს, საერთაშორისოდ აღიარებული ბრიტანული განათლება საქართველოდან გაუსვლელად მიიღონ.

ვიზიტის დასასრულს Pearson Edexcel-ის წარმომადგენელმა დაათვალიერა სკოლის სამივე კამპუსი და მაღალი შეფასება მისცა ინფრასტრუქტურას, ტექნოლოგიურ აღჭურვილობასა და საერთაშორისო სტანდარტებზე დაფუძნებულ სასწავლო გარემოს, რაც მნიშვნელოვანი წინაპირობაა იმისთვის, რომ სკოლა ოფიციალურად შეუერთდეს იმ პრესტიჟულ გლობალურ საგანმანათლებლო ქსელს, რომლის დიპლომიც მსოფლიოს 160-ზე მეტ ქვეყანაშია აღიარებული.

თუმცა, გარკვეულია, რომ მოსწავლე სასკოლო ფორმის სავალდებულოდ ტარებისგან სხვადასხვა ობიექტური მიზეზის, მათ შორის ჯანმრთელობის მდგომარეობის გამო, შეიძლება გათავისუფლდეს.

EDU.ARIS.GE-მ ნახა რამდენიმე ზოგადსაგანმანათლებლო დაწესებულების შინაგანაწესი, რომელშიც მათ შორის განსაზღვრულია, თუ როგორ ხდება, ჯანმრთელობის გამო, მოსწავლის  ფორმის ტარებისგან გათავისუფლება.

აი, რა წერია სკოლების შინაგანაწესში:

ობიექტური გარემოებების გამო სასკოლო ფორმის ტანსაცმლის გარეშე სკოლაში გამოცხადება

1. სასკოლო ფორმის ტანსაცმლის გარეშე სკოლაში გამოცხადების შემთხვევის აღმოჩენისას კლასის დამრიგებელი ან უსაფრთხოებაზე პასუხისმგებელი პირი მოსწავლის მშობლეთან/ კანონიერ წარმომადგენელთან კომუნიკაციის საფუძველზე, ადგენს სასკოლო ფორმის ტანსაცმლის გარეშე მოსწავლის სკოლაში გამოცხადების მიზეზს.

2. დისციპლინური ღონისძიება არ გამოიყენება, თუ სასკოლო ფორმის ტანსაცმლის გარეშე სკოლაში გამოცხადება გამოწვეულია:

-სასკოლო ფორმის ტანსაცმლის ან შესაბამისი ზომის მიუწოდებლობით;
-სასკოლო ფორმის ტანსაცმლის გაცვლის ან დაბრუნების მიმდინარე პროცედურით;
-სასკოლო ფორმის ტანსაცმლის დაზიანებით, დაკარგვით ან სხვა დროებითი ობიექტური გარემოებით;
-ჯანმრთელობის მდგომარეობით და ამასთან დაკავშირებული განცხადების განხილვის პერიოდით.

3. რომელიმე ასეთ შემთხვევაში მშობელი სკოლას წინასწარ აწვდის ინფორმაციას სასკოლო ფორმის ტანსაცმლის გარეშე მოსწავლის სკოლაში გამოცხადების ობიექტური მიზეზების შესახებ.

4. ასეთ შემთხვევებში მოსწავლე სკოლაში უნდა გამოცხადდეს ჩაცმულობით (ე.წ. „ჩაცმის წესი“) რომელიც დამტკიცებული სასკოლო ფორმის ტანსაცმლის ძირითად ფერთა გამასა და საერთო ვიზუალურ იერსახესთან არის შესაბამისობაში.

ჯანმრთელობის გამო სასკოლო ფორმის ტანსაცმლის ტარებისგან გათავისუფლება

1. მოსწავლე სასკოლო ფორმის ტანსაცმლის ჩაცმის ვალდებულებისგან შეიძლება გათავისუფლდეს ჯანმრთელობის მდგომარეობის გამო, საჯარო სკოლის სამინისტროსთან წერილობით შეთანხმების საფუძველზე.

2. მოსწავლის ჯანმრთელობის მდგომარეობისა და ექიმის რეკომენდაციის გათვალისწინებით, სამინისტროსთან წერილობითი შეთანხმებით, შეიძლება განისაზღვროს:

-სასკოლო ფორმის ტანსაცმლის ინდივიდუალური ადაპტაცია;
-კონკრეტული კომპონენტის ტარებისგან გათავისუფლება;
-სასკოლო ფორმის ტანსაცმლის ტარებისგან დროებითი ან სრული გათავისუფლება.
-სასკოლო ფორმის ტანსაცმლის შესაბამისი კომპონენტის განსხვავებული ქსოვილისგან დამზადებული ვარიანტის გამოყენება;
-სასკოლო ფორმის ტანსაცმლის შესაბამისი კომპონენტის განსხვავებული ჭრით, ზომით ან კონსტრუქციით დამზადება;
-საყელოს, ნაკერის, ეტიკეტის, ღილის, ელვის ან სხვა შესაკრავის შეცვლა ან მოცილება;
-სხვა ინდივიდუალური ადაპტაცია, რომელიც აუცილებელია მოსწავლის ჯანმრთელობის მდგომარეობიდან გამომდინარე სასწავლო პროცესში სრულფასოვანი მონაწილეობის უზრუნველსაყოფად.

3. მშობლის/კანონიერი წარმომადგენლის სასკოლო ფორმის ტანსაცმლის ტარებისაგან მოსწავლის გათავისუფლებასთან (ნაწილობრივი ან სრული) დაკავშირებით განცხადების მიღებიდან, სამინისტროსთან შეთანხმების საბოლოო გადაწყვეტილების მიღებამდე, სკოლა უფლებამოსილია, მოსწავლე დროებით დაუშვას ჯანმრთელობის საჭიროებასთან თავსებადი სამოსით. ასეთ შემთხვევაში სავალდებულოა, მოსწავლე გამოცხადდეს გონივრულად მისადაგებული ჩაცმულობით, რომელიც შესაბამისობაშია სასკოლო ფორმის ტანსაცმლის ფერთა გამასა და საერთო ვიზუალურ იერსახესთან სკოლის შინაგანაწესის შესაბამისად.

4. მოსწავლის ჯანმრთელობის, დიაგნოზისა და გათავისუფლების მიზეზის შესახებ ინფორმაცია კონფიდენციალურია. მასწავლებელს ეცნობება მხოლოდ:

• რომ მოსწავლე გათავისუფლებულია ან იყენებს ადაპტირებულ სამოსს;
• რა ტიპის სამოსია მისთვის დაშვებული;
• გადაწყვეტილების მოქმედების ვადა.

5. კლასის დამრიგებელსა და საგნის მასწავლებელს არ უნდა გადაეცეს მოსწავლის სამედიცინო ცნობა ან დიაგნოზის შესახებ ინფორმაცია, თუ ამის აუცილებლობა არ არსებობს.

6. განსხვავებული ქსოვილისგან ან განსხვავებული ჭრით დამზადებული ადაპტირებული სასკოლო ფორმის ტანსაცმელი, შესაძლებლობის ფარგლებში, უნდა ინარჩუნებდეს დამტკიცებული სასკოლო ფორმის ტანსაცმლის ძირითად ფერთა გამასა და საერთო ვიზუალურ იერსახეს.

7. ადაპტირებული სასკოლო ფორმის ტანსაცმელი ან ალტერნატიული სამოსი არ უნდა იქცეს მოსწავლის სხვა მოსწავლეებისგან დამამცირებელი ფორმით გამორჩევის საფუძვლად.

მოსწავლის ჯანმრთელობის მდგომარეობის გამო სასკოლო ფორმის ტანსაცმლის ჩაცმის ვალდებულებისგან გათავისუფლების საკითხის შეთანხმების წესი ასეთია:

1. მოსწავლის ჯანმრთელობის მდგომარეობის გამო სასკოლო ფორმის ტანსაცმლის ჩაცმის ვალდებულებისგან გათავისუფლების საკითხის სკოლაში განხილვის საფუძველია – საჯარო სკოლისადმი მოსწავლის მშობლის/კანონიერი წარმომადგენლის შესაბამისი განცხადება (წერილობითი მიმართვა), რომელსაც თან უნდა ერთვოდეს სამედიცინო დაწესებულების (ექიმ-სპეციალისტი, რომლის კომპეტენციასაც მიეკუთვნება კონკრეტული დიაგნოზის პაციენტების მართვა) მიერ გაცემული „ჯანმრთელობის მდგომარეობის შესახებ ცნობის შევსების წესისა და ჯანმრთელობის მდგომარეობის შესახებ ცნობის ფორმის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2007 წლის 9 აგვისტოს №338/ნ ბრძანების №2 დანართით დამტკიცებული ცნობა ჯანმრთელობის მდგომარეობის შესახებ (ფორმა IV–100/ა). ამასთან, აღნიშნული ცნობის მე-9 პუნქტში მითითებული უნდა იყოს ძირითადი და თანმხლები დაავადებები, ხოლო მე-17 პუნქტში, რომელიც მოიცავს სამკურნალო და შრომით რეკომენდაციებს, ექიმის გადაწყვეტილების შესაბამისად, მითითებული უნდა იყოს სასკოლო ფორმის ტანსაცმლის ჩაცმისგან მოსწავლის გათავისუფლების დეტალური რეკომენდაცია (ვადის მითითებით).

2. მოსწავლის მშობლის/კანონიერი წარმომადგენლის განცხადება ჯანმრთელობის მდგომარეობის გამო სასკოლო ფორმის ტანსაცმლის ჩაცმის ვალდებულებისგან მოსწავლის გათავისუფლების თაობაზე, წარმოდგენიდან არაუგვიანეს მომდევნო სამუშაო დღისა, რეგისტრირდება საჯარო სკოლის კანცელარიაში და რეგისტრაციის დღის განმავლობაში გადაეცემა საჯარო სკოლის დირექტორის მიერ ინდივიდუალური ადმინისტრაციულ-სამართლებრივი აქტით შექმნილ მიზნობრივ, მუდმივმოქმედ სამუშაო ჯგუფის ხელმძღვანელს (შემდგომ – სამუშაო ჯგუფი).

3. მოსწავლის მშობლის/კანონიერი წარმომადგენლის განცხადებას, ჯანმრთელობის მდგომარეობის გამო სასკოლო ფორმის ტანსაცმლის ჩაცმის ვალდებულებისგან მოსწავლის გათავისუფლების თაობაზე, სამუშაო ჯგუფი იხილავს სკოლაში მისი რეგისტრაციიდან 3 სამუშაო დღის ვადაში.

4. სამუშაო ჯგუფის წევრი ვალდებულია:

ა) დაამუშაოს მხოლოდ საკითხის განხილვისა და შესაბამისი პოზიციის ჩამოყალიბებისთვის აუცილებელი ინფორმაცია;
ბ) უზრუნველყოს მოსწავლის პერსონალური, მათ შორის ჯანმრთელობის მდგომარეობასთან დაკავშირებული მონაცემების კონფიდენციალურობა;
გ) განაცხადოს შესაძლო ინტერესთა კონფლიქტის შესახებ და ინტერესთა კონფლიქტის არსებობის შემთხვევაში არ მიიღოს საკითხის განხილვაში მონაწილეობა.

5. სამუშაო ჯგუფმა მოსწავლის მშობელი/კანონიერი წარმომადგენელი, საჭიროების შემთხვევაში, შეიძლება მოიწვიოს საკითხის განხილვაში მონაწილეობის მისაღებად.

6. მოსწავლის საუკეთესო ინტერესების დაცვის მიზნით, აუცილებლობის შემთხვევაში, მისი ასაკის, განვითარების დონისა და ინდივიდუალური შესაძლებლობების მიხედვით, უზრუნველყოფილი უნდა იქნეს მისი მოსაზრების მოსმენა და სათანადო გათვალისწინება.

7. სამუშაო ჯგუფი, ჯანმრთელობის მდგომარეობის გამო, მოსწავლის საკითხის შესათანხმებლად საქართველოს განათლების, მეცნიერებისა და ახალგაზრდობის სამინისტროსთვის (შემდგომში „სამინისტრო“) მიმართვის მიზანშეწონილობის თაობაზე დასკვნის მისაღებად, აფასებს:

ა) საკმარისია თუ არა წარმოდგენილი დოკუმენტაცია და ინფორმაცია;
ბ) სასკოლო ფორმის ტანსაცმლის რომელ ელემენტს – პიჯაკს, შარვალს, ქვედაბოლოს ან მის რომელ მახასიათებელს უკავშირდება მოსწავლის ჯანმრთელობის მდგომარეობა;
გ) შესაძლებელია თუ არა საკითხის გადაწყვეტა სასკოლო ფორმის ტანსაცმლის ან მისი ცალკეული ელემენტის ადაპტირებული სამოსით ჩანაცვლებით;
დ) საჭიროების შემთხვევაში, შესაძლებელია თუ არა განსხვავებული ქსოვილის, ჭრის ან სხვა მახასიათებლის მქონე, ვიზუალურად სასკოლო ფორმის ტანსაცმელთან მიახლოებული სამოსის გამოყენება;
ე) აუცილებელია თუ არა სასკოლო ფორმის ტანსაცმლის ჩაცმის ვალდებულებისგან დროებითი ან ხანგრძლივი გათავისუფლება;
ვ) დროებითი ღონისძიების შემთხვევაში, რა ვადით არის მიზანშეწონილი შესაბამისი გადაწყვეტილების მიღება და საჭიროა თუ არა მისი განმეორებით შეფასება;
ზ) სხვა საკითხებს, რაც დაკავშირებულია ჯანმრთელობის მდგომარეობის გამო მოსწავლის სასკოლო ფორმის ტანსაცმლის ჩაცმისგან გათავისუფლებასთან.

8. სამუშაო ჯგუფის შეფასება ეფუძნება წარმოდგენილ სამედიცინო დოკუმენტს და მიმართულია იმის განსაზღვრისკენ, თუ რა გავლენას ახდენს ჯანმრთელობის მდგომარეობა სასკოლო ფორმის ტანსაცმლის ჩაცმის შესაძლებლობაზე და რა სახის გადაწყვეტილების მიღებაა აუცილებელი.

9. თუ წარმოდგენილ სამედიცინო დოკუმენტში არ არის სრულყოფილად ასახული ამ მუხლის პირველი პუნქტით გათვალისწინებული ინფორმაცია, სამუშაო ჯგუფი განცხადების მიღებიდან 2 სამუშაო დღის ვადაში მოსწავლის მშობელს/კანონიერ წარმომადგენელს აცნობებს საკითხის გადასაწყვეტად, დამატებითი ან დაზუსტებული სამედიცინო დოკუმენტის წარმოდგენის საჭიროების შესახებ, რისთვისაც განუსაზღვრავს 3 სამუშაო დღის ვადას.

10. საკითხის განხილვისა და განხორციელებული შეფასების საფუძველზე, სამუშაო ჯგუფი განცხადების განხილვის დასრულების დღესვე, საჯარო სკოლის დირექტორს წარუდგენს საკითხის შესათანხმებლად სამინისტროსთვის მიმართვის მიზანშეწონილობის თაობაზე სარეკომენდაციო დასკვნას, რომელშიც აისახება:

ა) მოსწავლის ჯანმრთელობის მდგომარეობა და მისი გავლენა სასკოლო ფორმის ტანსაცმლის ჩაცმაზე;
ბ) განხილული ადაპტაციის შესაძლებლობები;
გ) სამუშაო ჯგუფის მიერ მიზანშეწონილად მიჩნეული ღონისძიების სახე;
დ) სასკოლო ფორმის ტანსაცმლის ჩაცმისგან მოსწავლის გათავისუფლების რეკომენდებული ვადა და განმეორებითი შეფასების საჭიროება.

11. სამუშაო ჯგუფის სარეკომენდაციო დასკვნის საფუძველზე, მისი გაზიარების შემთხვევაში, სკოლის დირექტორი, აღნიშნული დასკვნის მიღებიდან არაუმეტეს 2 სამუშაო დღის ვადაში, საკითხის შეთანხმების მიზნით, წერილობით მიმართავს სამინისტროს.

12. თუ სამუშაო ჯგუფის სარეკომენდაციო დასკვნით მიზანშეწონილია პირდაპირ ეთქვას დასაბუთებული უარი მოსწავლის მშობელს/კანონიერ წარმომადგენელს მოსწავლის სასკოლო ფორმის ტანსაცმლის ჩაცმის ვალდებულებისაგან განთავისუფლებაზე და აღნიშნულ რეკომენდაციას ეთანხმება დირექტორი, მას უფლება აქვს სამუშაო ჯგუფის დასკვნის მიღებიდან 2 სამუშაო დღის ვადაში, საკითხის სამინისტროსთან შემდგომი შეთანხმების გარეშე, გამოსცეს შესაბამისი დასაბუთებული ინდივიდუალურ ადმინისტრაციული-სამართლებრივი აქტი, რომელიც კანონმდებლობით დადგენილი წესით, ეცნობება განმცხადებელს – მოსწავლის მშობელს/კანონიერ წარმომადგენელს.

13. სკოლის დირექტორის მიერ სამინისტროსთვის წარდგენილი დოკუმენტაცია უნდა შემოიფარგლოს კონკრეტული გადაწყვეტილების მისაღებად აუცილებელი მოცულობით და მიმართვას თან უნდა ერთვოდეს:

ა) მოსწავლის მშობლის/კანონიერი წარმომადგენლის მიერ საჯარო სკოლაში წარდგენილი განცხადება;
ბ) სამუშაო ჯგუფის სარეკომენდაციო დასკვნა;
გ) სამედიცინო დოკუმენტი, რომელიც შეიცავს გადაწყვეტილების მისაღებად აუცილებელ ინფორმაციას მოსწავლის ჯანმრთელობის მდგომარეობით განპირობებული შეზღუდვისა და რეკომენდებული ღონისძიების შესახებ;
ე) სხვა დოკუმენტი ან ინფორმაცია – მხოლოდ იმ შემთხვევაში და იმ მოცულობით, თუ იგი აუცილებელია კონკრეტული საკითხის გადასაწყვეტად.

14. სამინისტროს წერილობითი თანხმობის ან თანხმობაზე უარის მიღების შემდეგ, სკოლის დირექტორი კანონმდებლობით დადგენილი წესით, არაუგვიანეს 2 სამუშაო დღისა, გამოსცემს შესაბამის ინდივიდუალურ ადმინისტრაციულ-სამართლებრივ აქტს, რომელშიც როგორც წესი მიეთითება:

ა) მოსწავლის სახელი, გვარი, საჯარო სკოლის დასახელება, კლასი;
ბ) მოსწავლის სასკოლო ფორმის ტანსაცმლის ჩაცმის ვალდებულებისგან გათავისუფლების სახე, ვადა ან/და დაშვებული ადაპტაცია (ასეთის არსებობის შემთხვევაში);
გ) სასკოლო ფორმის ტანსაცმლის რომელი ელემენტის – პიჯაკის, შარვლის ან ქვედაბოლოს ჩაცმა რჩება სავალდებულო (ასეთის არსებობის შემთხვევაში);
დ) ადაპტირებული სამოსის გამოყენების შემთხვევაში – მისი მახასიათებლები, რომელთა განსაზღვრაც აუცილებელია გადაწყვეტილების შესასრულებლად;
ე) გადაწყვეტილების მოქმედების ვადა, თუ გადაწყვეტილება დროებითია;
ვ) განმეორებითი შეფასების საჭიროება და ვადა (ასეთის არსებობის შემთხვევაში);
ზ) აქტის გასაჩივრების წესი და ვადა.

15. მოსწავლის მშობელს/კანონიერ წარმომადგენელს მიღებული გადაწყვეტილება ეცნობება კანონმდებლობით დადგენილი წესით.

16. სამინისტროს მიერ წერილობით თანხმობაზე უარის შემთხვევაში, სკოლის დირექტორი გამოსცემს ინდივიდუალურ ადმინისტრაციულ-სამართლებრივ აქტს საჯარო სკოლის დაწყებითი საფეხურის მოსწავლის სასკოლო ფორმის ჩაცმის ვალდებულებისგან გათავისუფლებაზე უარის შესახებ, რომელსაც აცნობებს განმცხადებელს – მოსწავლის მშობელს/კანონიერ წარმომადგენელს. აღნიშნული აქტი უნდა შეიცავდეს სათანადო დასაბუთებას, მისი მიღების საფუძველსა და გასაჩივრების შესაძლებლობას კანონმდებლობით დადგენილი წესით.

17. ჯანმრთელობის მდგომარეობის გამო სკოლაში სასკოლო ფორმის ტანსაცმლის ჩაცმის ვალდებულებისგან მოსწავლის გათავისუფლების თაობაზე სკოლის დირექტორის ინდივიადუალურ-ადმინისტრაციულ სამართლებრივი აქტის გამოცემის შემდეგ მოსწავლე სკოლაში უნდა გამოცხადდეს გონივრულად მისადაგებული ჩაცმულობით, რომელიც შესაბამისობაშია სასკოლო ფორმის ტანსაცმლის ფერთა გამასა და საერთო ვიზუალურ იერსახესთან სკოლის შინაგანაწესის შესაბამისად.

ასევე იხილეთ: 

დადგინდა, რა ფერის და როგორი სამოსი უნდა ეცვას მოსწავლეს სასკოლო ფორმის პიჯაკის ქვეშ

შენიშვნა და გაფრთხილება სასკოლო ფორმაზე უარის თქმის გამო და მშობლის პასუხი, რომლის შვილიც ფორმის ტარებას არ აპირებს

„დაუშვებელია შორტი, ბრიჯი, გამჭვირვალე სამოსი“ – გაფრთხილება სკოლებიდან იმ მშობლებს, რომელთა შვილების კლასებშიც ფორმა ჯერ არ არის

„პოლიგლოტის“ მიერ 12 ოქტომბერს გავრცელებული ინფორმაციით, მოსწავლეებმა წარმატებით დაძლიეს TOEFL-ის სამივე ტური და ინგლისურ ენაში მაღალი აკადემიური დონე გამოავლინეს.

„ყველა ფინალისტს გადაეცა TOEFL-ის საერთაშორისო სერტიფიკატი, რაც მათი ცოდნისა და შრომის მნიშვნელოვანი აღიარებაა.

ვულოცავთ „პოლიგლოტის“ მოსწავლეებსა და მათ პედაგოგებს დიდ წარმატებას და მადლობას ვუხდით მშობლებს აქტიური მხარდაჭერისთვის“, – აცხადებენ სკოლაში.

გიმნაზიის მიერ 12 ოქტომბერს გამოქვეყნებული ინფორმაციით, 17 959 მონაწილიდან, საუკეთესო 12-ს შორის მოხვდა ლილე შალამბერიძე Hippo 3-ის მსოფლიო ფინალში, სანდრო ლაგვილავამ კი, რომელმაც მსოფლიო ფინალის საგზური პირდაპირ მოიპოვა, Little Hippo-ს 23 064 მონაწილეს შორის, მსოფლიოს TOP 20-ში დაიკავა ადგილი.

„ვამაყობთ ჩვენი მოსწავლეებით და მადლობას ვუხდით AIA-GESS-ის პედაგოგებს, რომლებიც ყოველდღიურად ხელს უწყობენ მოსწავლეების ცოდნის, თავდაჯერებისა და მოტივაციის განვითარებას.

ლილე და სანდრო, გილოცავთ ამ მნიშვნელოვან წარმატებას! თქვენ საქართველოს სახელი ღირსეულად წარმოაჩინეთ საერთაშორისო ასპარეზზე!“, – აცხადებენ სერვანტესის სახელობის გიმნაზიაში.

გამოყოფენ რიცხვითი სახელის სამ ჯგუფს: რაოდენობითს, რიგობითს, წილობითს.

რაოდენობითი რიცხვითი სახელი გამოხატავს საგნის რაოდენობას და პასუხობს კითხვაზე: რამდენი? – შვიდი, რვა, ცხრა, ათი, ასი, სამას ოცდახუთი, ათასი, მილიონი.

რიგობითი რიცხვითი სახელი გამოხატავს საგნის რიგს, პასუხობს კითხვაზე: მერამდენე? – მეშვიდე, მეათე, მეცხრე, მეთერთმეტე, ოცდამეხუთე, სამას მეხუთე.

წილობითი რიცხვითი სახელი აღნიშნავს საგნის ნაწილს მთელთან მიმართებით და პასუხობს კითხვაზე: მერამდენედი? – მეოთხედი, მეექვსედი, მესამედი, მეშვიდედი, მეათედი, მეასედი.

როგორ გამოვიყენოთ რომაული და არაბული ციფრები რიგობით რიცხვით სახელებში

რიგობითი რიცხვითი სახელები შეიძლება გამოიხატოს სამგვარად: სიტყვიერად, არაბული ან რომაული ციფრებით.

სიტყვიერად რიგობითი რიცხვითი სახელი 100-მდე იწერება ერთად (დეფისების გარეშე), მილიონის, ათასეულის, ასეულის აღმნიშვნელი კი – ცალკე, რაოდენობითი რიცხვითი სახელის მსგავსად: ათას ორას ოცდამეხუთე.

არაბული ციფრებით რიგობითი რიცხვითი სახელის გადმოცემისას ციფრს დაემატება მე- თავსართი, თუკი რიცხვითი სახელი მე- პრეფიქსით იწყება (2-დან 20-ის ჩათვლით, 100-ს, ასეულებს, 1000-ს).

სწორია: მე-2, მე-12; არასწორია: 2-ე, მე-2-ე, მე-12-ე).

როცა -მე თავსართი და-კავშირიანი რთული რიცხვითი სახელის ბოლო ნაწილს დაერთვის, ჯერ იწერება რიცხვი, შემდეგ კი – დეფისი და -ე: 21-ე, 107-ე, 203-ე. ასეთ რიგობით რიცხვით სახელთან ბრუნვის ნიშანი დაიწერება მაწარმოებელთან ერთად: 25-ემ, 25-ეს.

რიცხვით სახელს შეიძლება დაერთოს ნაწილაკებიც (-ც, -ცა, -ღა, -ოდე, -ვე) და თანდებულიც (მე-5-ში, მე-9-ზე).

რომაული ციფრებით აღინიშნება მხოლოდ რიგობითი რიცხვითი სახელი, რომელშიც ისედაც იგულისხმება მე–ე თავსართ-ბოლოსართი, ამიტომ მას აღარ სჭირდება რომელიმეს ხელახლა დართვა: IV = მეოთხე, არასწორია მე-IV, მე-IV-ე.

რომაული ციფრებიდან გამოიყენება შვიდი ნიშანი: I (პირველი), V (მეხუთე), X (მეათე), L (ორმოცდამეათე), C (მეასე), D (მეხუთასე), M (მეათასე).

რომაული ციფრებით დაწერილ რიგობით რიცხვით სახელსაც შეიძლება დაერთოს ბრუნვის ნიშნები (გარდა სახელობითისა) ან თანდებულები (IV-მ, IV-ს, V-ისთვის).

ახალი ნორმების მიხედვით, „პირველი“ არაბული ციფრით ასე იწერება: „1-ელი“.

წყარო: ქართული ენის გრამატიკის ელექტრონული რესურსი

ასევე იხილეთ:

გრამატიკული ცნობარი

რომელია სწორი: თეფშები დადო თუ თეფშები დააწყო? ფოთლები ვარდება თუ ფოთლები ცვივა? – წესები და მაგალითები მოსწავლეებისთვის

გიმნაზიის მიერ 5 ოქტომბერს გამოქვეყნებული ინფორმაციით, საერთაშორისო ბანაკმა 25-ზე მეტი ქვეყნის ახალგაზრდებს შესაძლებლობა მისცა, ტექნოლოგიების მიმართულებით ემუშავათ, ახალი ცოდნა და გამოცდილება მიეღოთ და სხვადასხვა კულტურის წარმომადგენელ თანატოლებთან ეთანამშრომლათ.

პროგრამის ფარგლებში ნენე ზუბაშვილმა მონაწილეობა მიიღო AI Maker-ის აქტივობებში, რომლებიც გუანსის მინძუს უნივერსიტეტში გაიმართა. პრაქტიკული საქმიანობისა და ტექნოლოგიებთან მუშაობის პარალელურად, დელეგაციის წევრებმა დაათვალიერეს ჩინეთ-ASEAN-ის 23-ე ექსპო, სადაც ტექნოლოგიებისა და მეცნიერების მიმართულებით არაერთი საინტერესო გამოფენა იყო წარმოდგენილი.

ვიზიტის ფარგლებში დელეგაციის წევრები ადგილობრივ სკოლებსაც ეწვივნენ და ჩინეთის საგანმანათლებლო სისტემაში მეცნიერებისა და ტექნოლოგიების სწავლების მიდგომებს გაეცნენ.

პროგრამის საგანმანათლებლო ნაწილი ასევე მოიცავდა ვიზიტებს ASEAN-ის მეცნიერების პოპულარიზაციის პარკში, სუბტროპიკულ ბოტანიკურ ბაღსა და გუანსის ანთროპოლოგიის მუზეუმში, სადაც მონაწილეებმა რეგიონის ბუნების, ისტორიისა და კულტურის შესახებ მეტი შეიტყვეს.

ბანაკის ერთ-ერთი მნიშვნელოვანი ნაწილი სხვადასხვა ქვეყნის ახალგაზრდებთან თანამშრომლობა და გამოცდილებისა და იდეების გაზიარება იყო. საერთაშორისო გარემოში მუშაობამ მონაწილეებს ახალი კულტურების გაცნობისა და თანამშრომლობის გამოცდილება მისცა.

„AIA-GESS ამაყობს ნენეს წარმატებით და მოხარულია, რომ გიმნაზიის მოსწავლეები მონაწილეობენ საერთაშორისო საგანმანათლებლო პროგრამებში, რომლებიც მათ ცოდნის, გამოცდილებისა და საერთაშორისო ხედვის განვითარებაში ეხმარება“, – აცხადებენ სერვანტესის სახელობის გიმნაზიაში.

სკოლის მიერ 5 ოქტომბერს გავრცელებული ინფორმაციით, კვირეულის განმავლობაში განხორციელდა სხვადასხვა შემეცნებითი, შემოქმედებითი და სახალისო აქტივობა, რომელმაც სასკოლო საზოგადოებას კიდევ ერთხელ აჩვენა, რომ „ენები გვაერთიანებს“.

„უცხო ენების ცოდნა გვაძლევს შესანიშნავ შესაძლებლობას, გავეცნოთ სხვადასხვა ქვეყნის კულტურასა და ტრადიციებს.

სკოლა „პოლიგლოტი“ მადლობას უხდის უცხო ენების კათედრას და მის პედაგოგებს – მირანდა ხუსკივაძეს, მარიამ ცაბაძეს, ქეთი კუპატაძეს, ეკა შუბითიძეს, გვანცა ქველაძეს, ირმა ჭანკოტაძეს და გვანცა არაბულს საინტერესო აქტივობებისთვის“, – აცხადებენ „პოლიგლოტში“.

გიმნაზიის მიერ 1-ელ ოქტომბერს გამოქვეყნებული ინფორმაციით, ჰაკათონს კავკასიის უნივერსიტეტის ინოვაციებისა და მეწარმეობის ცენტრმა უმასპინძლა. ორდღიანი ინტენსიური Web3 ღონისძიება Superteam Georgia-ს, საქართველოში Solana-ს ოფიციალური წარმომადგენლობის ჩართულობით გაიმართა და მონაწილეებს Solana-ს ეკოსისტემისა და Web3 ტექნოლოგიების გაცნობისა და საკუთარი ინოვაციური იდეების განვითარების შესაძლებლობა მისცა.

ჰაკათონის განმავლობაში მონაწილეები გაეცნენ Solana-ს ეკოსისტემას, იმუშავეს რეალურ პრობლემებზე, შექმნეს და დახვეწეს საკუთარი პროექტები, მიიღეს მენტორებისგან უკუკავშირი და საბოლოოდ საკუთარი იდეები ჟიურის წინაშე წარადგინეს.

გამარჯვებულების შერჩევისას ჟიურიმ ყურადღება გაამახვილა პროექტების Solana-ს ეკოსისტემასთან შესაბამისობაზე, იდეის ინოვაციურობასა და პრაქტიკულობაზე, ტექნოლოგიური გადაწყვეტის ეფექტიანობასა და პროექტის განვითარების პოტენციალზე.

„ვულოცავთ ჩვენს მოსწავლეებს ამ მნიშვნელოვან წარმატებას და ვამაყობთ მათი ინოვაციური ხედვით, ტექნოლოგიური ცოდნითა და გუნდური მუშაობით!“, – აცხადებენ გიმნაზიაში.