მოსწავლეთა მიერ სკოლის უმიზეზოდ გაცდენების სურათი საქართველოში „მწვავედ გამოიყურება“ – PISA-ს მონაცემები

„PISA 2025 საქართველოში – შედეგების მოკლე მიმოხილვაის“ თანახმად, საქართველოში მოსწავლეთა მხოლოდ 20%-ის შემთხვევაში არ ფიქსირდება სკოლის გამიზნულად გაცდენა. კვლევის მონაწილე ქვეყნებში კი ეს მაჩვენებელი 66%-ია.

რაც ნიშნავს, რომ ქართველი მოსწავლეების აბსოლუტურ უმრავლესობას (80%-ს) სკოლა გამიზნულად აქვს გაცდენილი, მაშინ როცა განვითარებულ ქვეყნებში ეს პრობლემა მოსწავლეთა მხოლოდ 34%-ს ეხება.

საგანმანათლებლო კვლევების ეროვნული ცენტრი კვლევის პირველადი შედეგების მიმოხილვაში წერს, რომ საქართველოში, მოსწავლეთა გაცდენები OECD-ის ქვეყნების საშუალო მაჩვენებელთან შედარებით, უფრო გავრცელებულ პრობლემას წარმოადგენს.

“ეს ლოკალური სურათი განსაკუთრებით საყურადღებოა, რადგან PISA-ს მასშტაბით სკოლის უმიზეზოდ გაცდენა მნიშვნელოვან მიმდინარე გამოწვევას წარმოადგენს. საყოველთაო პრობლემის ფონზე საქართველოს სურათი კიდევ უფრო მწვავედ გამოიყურება”,  – წერს განათლების სამინისტროს დაქვემდებარებაში არსებული ცენტრი.

EDU.ARIS.GE წარმოგიდგენთ, გაცდენების რა მიზეზებს ასახელებდნენ საქართველოს მოსწავლეები PISA-ს სხვა წლების კვლევებში: 

მოსწავლეები გაცდენების ერთ-ერთ მთავარ მიზეზად სკოლაში მოწყენილობას ასახელებენ – საქართველოს შედეგი