იცით, როგორ ასწავლოთ უცხო სიტყვები მოსწავლეებს? – გაკვეთილი ,,სიტყვის კაცი”, სკოლა „ოპიზას“ სახალისო მიგნება

მოსწავლეებს უამრავი უცხო სიტყვის სწავლა უწევთ. იმისთვის, რომ მათ ეს პროცესი გაუმარტივდეთ, სკოლა „ოპიზამ“ სახალისო აქტივობა მოიფიქრა:

მოსწავლეები ყველა უცხო სიტყვას წერენ ფურცელზე, წერილის სახით, ათავსებენ კონვერტში და კონვერტს უზარმაზარ სკივრში.

ამის შემდეგ, გაკვეთილზე სკოლას იდუმალი სტუმარი -“სიტყვის კაცი” სტუმრობს. მას მხრებზე შემოდგმული აქვს გამქრალი სკივრი, რომელშიც უცხო სიტყვებზე მოსწავლეების მიერ დასმულ კითხვებზე განმარტებები აწყვია.

“მეორე წითელ კლასში გაკვეთილი ,,სიტყვის კაცი” სახალისო და შემეცნებით აქტივობად იქცა, რომელშიც ბავშვები დიდი ინტერესით ჩაერთნენ და აღფრთოვანებას ვერ მალავდნენ. პატარებმა წერილები დაწერეს და უამრავი შეკითხვა დაუსვეს სიტყვის კაცს, რომელსაც ზურგით სიტყვის სკივრი დააქვს და ყველა უცხო სიტყვის განმარტებას ტოვებს წიგნში. შემდეგ კი მათთვის მოულოდნელად, სიტყვის კაცი თავად გვესტუმრა სკოლაში და ყველა შეკითხვაზე პასუხი დატოვა წერილში, რომელიც სკივრით მოიტანა”, – წერს სკოლა 19 ოქტომბერს გამოქვეყნებულ ინფორმაციაში.

როგორც სკოლაში EDU.ARIS.GE-ს უთხრეს, აქტივობა უცხო სიტყვების შესასწავლად ეფექტურია და დაწყებითი კლასის მოსწავლეებს განსაკუთრებით ახალისებთ.