ილია ვეკუას სახელობის სკოლის პროექტმა საგრანტო კონკურსში გაიმარჯვა

შოთა რუსთაველის საქართველოს ეროვნული სამეცნიერო ფონდის 2023 წლის საგრანტო კონკურსში – „მეცნიერება იწყება სკოლიდან – კვლევები მოსწავლეთა მონაწილეობით“ ილია ვეკუას სახელობის ფიზიკა – მათემატიკის სკოლამ გაიმარჯვა.

როგორც სკოლა იუწყება პროექტი არის ინტერდისციპლინური ხასიათის და მისი მიზანია მძიმე მეტალებით, დაბინძურებული წყლის ბუნებრივი საშუალებებით გასუფთავების მეთოდის შემუშავება.

პროექტი განხორციელდება ი. ვეკუას სახელობის 42-ე სკოლის ბაზაზე, არსებული ქიმია-ბიოლოგიის კლუბის მოსწავლეების აქტიური მონაწილეობით და საქართველოს აგრარული უნივერსიტეტის თანამონაწილეობით.

პროექტს უხელმძღვანელებენ საქართველოს აგრარული უნივერსიტეტის მოწვეული ლექტორი, ქიმიის დოქტორი თინათინ ბუთხუზი და ჩვენი სკოლის ბიოლოგიის მასწავლებელი თამარ მელაძე.