მარნეულის მე-2 საჯარო სკოლაში ნოვრუზ ბაირამის დღისადმი მიძღვნილი ღონისძიება გაიმართა (ფოტო)

17 მარტს ქალაქ მარნეულის მე-2 საჯარო სკოლაში ჩატარდა ნოვრუზ ბაირამის დღისადმი მიძღვნილი ღონისძიება. საზეიმო ღონისძიებაზე სკოლის VII-XII კლასის მოსწავლეებმა წარმოადგინეს კლასის კუთხეები, შეასრულეს ტრადიციული აზერბაიჯანული სიმღერები და ცეკვები.

სკოლის მიერ 18 მარტს გავრცელებული ინფორმაციით, ღონისძიების ფარგლებში სპეციალურმა ჟიურიმ, შეარჩია “ბაჰარ კიზი” – მის გაზაფხული 2024.

ფოტო

“სკოლის ადმინისტრაცია მოსწავლეებს, მათ მშობლებსა და მასწავლებლებს ულოცავს ნოვრუზ ბაირამის დღესასწაულს!”- ვკითხულობთ მარნეულის მე-2 საჯარო სკოლის აზერბაიჯანული თემისადმი მილოცვის წერილში.