მეათეკლასელებმა ბოთლის თავსახურებით ვინსენტ ვან გოგის “ვარსკვლავებიანი ღამე” შექმნეს

თბილისის 46-ე საჯარო სკოლის მოსწავლეებმა ბოთლის თავსახურებით ვინსენტ ვან გოგის ნახატი “ვარსკვლავებიანი ღამე” შექმნეს, – ამის ამსახველ ფოტოებს სკოლა საკუთარი „facebook“-ის გვერდზე 21 თებერვალს ავრცელებს.

სკოლაში EDU.ARIS.GE-ს უყვებიან, რომ აქტივობა პროექტული სწავლების ფარგლებში განხორციელდა და ბოთლის თავსახურების შეგროვებაში ყველა მოსწავლე იყო ჩართული.

რაც შეეხება პროექტის მიზანს: “პროექტის მიზანია დავფიქრდეთ და სხვასაც მოვუწოდოთ პოლიეთილენის და სხვა გარემოსათვის საფრთხის შემცველი მასალის მეორად გამოყენებაზე. პროექტზე მუშაობის პროცესში ჩვენი მიზანია მოსწავლეებს განუვითარდეთ შემოქმედებითი აზროვნება და კრეატიულობა“,- ნათქვამია სკოლის განცხადებაში.