GE
მეფე თამარის სახელობის სკოლა-პანსიონის კურსდამთავრებულები პატრიარქმა დალოცა

2019 წლის 30 მაისს, საქართველოს საპატრიარქო რეზიდენციაში, სრულიად საქართველოს კათოლიკოს პატრიარქმა ილია მეორემ მიიღო და დალოცა წმიდა კეთილმმსახური მეფე თამარის სახელობის სკოლა-პანსიონის კურსდამთავრებულები, მათი მშობლები და პედაგოგები.

შეხვედრას ესწრებოდა და კურსდამთავრებულებს წარმატებები უსურვა, საქართველოს პარლამენტის განათლების, მეცნიერებისა და კულტურის კომიტეტის თავმჯდომარემ მარიამ ჯაშმა.

კურსდამთავრებულებმა და მათმა მშობლებმა მადლობა გადაუხადეს მის უწმიდესობას მათზე გაწეული ზრუნვისათვის და ეროვნულ მოტივებზე შექმნილი მუსიკალურ – ლიტერატურული კომპოზიცია წარმოადგინეს.

Aris.ge - განათლება საგანმანათლებლო ინტერნეტ-პორტალი