GE
მეფე თამარის სახელობის სკოლა-პანსიონში ფსიქოლოგმა მარინა კაჭარავამ შეხვედრა გამართა

საქართველოს საპატრიარქოს წმიდა კეთილმსახური მეფე თამარის სახელობის სკოლა-პანსიონის საკონფერენციო დარბაზში ჩატარდა ლექცია “ნარკოტიკები და დღევანდელობა, საფრთხეები და გამოწვევები”, რომელიც წაიკითხა ადიქციის კვლევისა და კონსულტირების ცენტრის ხელმძღვანელმა, ფსიქოლოგმა, პროფესორმა მარინა კაჭარავამ.

ლექციას დაესწრნენ პედაგოგები, უფროსი კლასის მოსწავლეები, დირექციის წევრები. ლექციის შემდეგ სტუმარმა უპასუხა პედაგოგთა და მოსწავლეთა შეკითხვებს.

სკოლის დირექტორმა, დეკანოზმა მირიან სამხარაძემ მადლობა გადაუხადა სტუმარს მობრძანებისათვის, საინტერესო ლექციისათვის და აღნიშნა, რომ ასეთი საინტერესო შეხვედრები მომავალშიც გაგრძელდება.

მეფე თამარის სახელობის სკოლა-პანსიონი