მოსწავლეთა საახალწლო აქტივობა – „ბუხართან მოყოლილი ამბები” 139-ე სკოლაში შედგა

თბილისის 139-ე საჯარო სკოლის მეოთხე კლასის მოსწავლეებმა დამრიგებელთან, ლალი ნასყიდაშვილთან ერთად მხიარული საახალწლო აქტივობის განხორციელება გადაწყვიტეს და ამისთვის ხელნაკეთი ბუხარი შექმნეს. რატომ? – „სურდათ, ერთმანეთისთვის ჯადოსნური ისტორიები გაეზიარებინათ, ბუხართან მოყოლილ ამბებს კი სულ სხვა ხიბლი აქვს“, – ამბობენ ისინი.

ერთკვირიანი შრომის შედეგად საახალწლო აქტივობა – „ბუხართან მოყოლილი ამბები” შედგა და როგორც EDU.ARIS.GE-ს სკოლაში უამბეს, მეოთხეკლასელები თავიანთ ხელნაკეთ ბუხარს საახალწლო ისტორიებით შემოუსხდნენ.

ფოტო:

„ბუხართან შეკრებილები ერთმანეთს ესაუბრნენ სხვადასხვა ქვეყნის თოვლის პაპებისა და ბებიების შესახებ. უამბეს ახალი წლის ტრადიციებზე და საკუთარი თავგადასავლებიც გაიხსენეს“, – გვითხრეს სკოლაში.