გაიცანით ინგლისური ენის მენტორი მასწავლებელი, რომლის გაკვეთილებიც მოსწავლეებს არ ავიწყდებათ (+ვიდეო)

გაიცანით ინგლისური ენის მენტორი მასწავლებელი, ნინო სტურუა, რომელიც სწავლებაში მუსიკას აქტიურად იყენებს. მას ჯერა, რომ სიმღერა ერთ-ერთი საუკეთესო გზაა ენის სასწავლად, განსაკუთრებით კი  ბავშვებისთვის.

ნინო მასწავლებელი EDU.ARIS.GE-ს ვიდეოგაკვეთილს უზიარებს, რომელშიც ის ბავშვებს გრამატიკულ და ლექსიკურ ერთეულს მხიარული სიმღერის მეშვეობით ასწავლის. პედაგოგი ამბობს, რომ ასე სიტყვები კიდევ უფრო მარტივად და სახალისოდ დასამახსოვრებელი ხდება.

რას გვიამბობს ნინო მასწავლებელი:

„გაკვეთილზე ბავშვები არამხოლოდ უსმენენ, ისინი ცეკვავენ, მღერიან და აქტიურად მონაწილეობენ სწავლა-სწავლების პროცესში. როცა ბავშვი მღერის, ენის სწავლა მექანიკურ პროცესად აღარ რჩება – ის ხდება სიხარულით სავსე გამოცდილება. ჩემი მეთოდით, ინგლისურის გაკვეთილები მშრალი გრამატიკის ნაცვლად, მუსიკით, მოძრაობითა და ემოციებით არის გაჯერებული და სწორედ ეს ხდის მათ დაუვიწყარს“.

ასევე იხილეთ:

მაისის თვის თარიღები – აქტივობები, იდები და ღონისძიებები სასკოლო საზოგადოებისთვის