„რა ყოფილა სიჭაბუკე“ – ოზურგეთელი მასწავლებლები მოსწავლეებისთვის ამღერდნენ (+ვიდეო)

„ჩვენი სკოლა ცხრაწლიანი საბაზო საფეხურის სწავლებისაა. მეცხრეკლასელებმა სწავლა დაასრულეს და გამოსაშვები საღამოც გვქონდა. ეს ლამაზი სიმღერა მათ მივუძღვენით“, – ასე იხსენებს უკვე სასიამოვნო მოგონებას EDU.ARIS.GE-სთან ოზურგეთის პატარა სოფლის – გაღმა დვაბზუს საჯარო სკოლის მე-9 კლასის დამრიგებელი და ისტორიის პედაგოგი ხათუნა რუსიეშვილი.

პედაგოგი იმ ვიდეოსაც გვიზიარებს, რომელშიც ჩანს, თუ როგორ ასრულებს კოლეგებთან ერთად ყველასათვის საყვარელ სიმღერას – “სიჭაბუკე”.

იხილეთ ვიდეო

პედაგოგის თქმით, მუსიკალური ნომერი სასიამოვნო სიურპრიზი აღმოჩნდა ღონისძიებაზე დამსწრე სასკოლო საზოგადოებისთვისაც.

იხილეთ ფოტო:

„სიმღერას ვასრულებთ მე, ქართული ენის პედაგოგი ხატია გიორგაძე, მუსიკის პედაგოგი თამარ თენიეშვილი, ფრანგული ენის პედაგოგი თინათინ კუტუბიძე. მართლაც მთელი გულით ვიმღერეთ. სიჭაბუკის წლები დაუვიწყარია, ჩვენი გზავნილიც მეცხრეკლასელებთან ეს იყო. უყვარდეთ, დააფასონ და გამოიყენონ ახალგაზრდობის წლები“, – ამბობს პედაგოგი.