„რატომ ხდებიან პიროვნებები ბრბოს მსხვერპლი?“ – მერვეკლასელების აქტივობა

„რატომ ხდებიან პიროვნებები ბრბოს მსხვერპლი?“, – ამ საკითხზე თბილისის 138-ე საჯარო სკოლის მოსწავლეებმა პროექტი განახორციელეს.

პროექტის ფარგლებში მოსწავლეებმა დააყენეს საკითხი – “ზოგჯერ პიროვნება ბრბოს მსხვერპლი ხდება” და ამის მაგალითად ცნობილი ნაწარმოებები გააანალიზეს – მათ შორის მიხეილ ჯავახიშვილის „ეშმაკის ქვა“ დათას ჩაქოლვის ეპიზოდი და გიორგი ლეონიძის „ნატვრის ხე“.

როგორც საჯარო სკოლისმიერ 26 ტებერვალს გამოქვეყნებული პრეზენტაციის ფოტოებიდან ჩანს, მერვეკლასელებმა პრეზენტაციის წარდგენისას გამოიყენეს გუსტავ ლებონის სიტყვები: „ვისაც შეუძლია ბრბოს შეცდომაში შეყვანა, მისი მბრძანებელი ხდება, ხოლო ვინც ცდილობს ბრბოს გონზე მოყვანას, მის მსხვერპლად იქცევა’’.