როგორ შევასწავლოთ მეორეკლასელებს სივრცული გეომეტრიული ფიგურები – 105-ე საჯარო სკოლა შექმნილ რესურს აზიარებს

თბილისის 105-ე საჯარო სკოლის მეორეკლასელებს ახალი გამოწვევა აქვთ – მათ მათემატიკის გაკვეთილებზე სივრცული გეომეტრიულ ფიგურების აგება უნდა შეისწავლონ. პატარები სწავლების პირველ ეტაპზე კუბების, პირამიდების, მართკუთხა პარალელიპედის და სხვა სივრცული ფიგურების ამოცნობას ცდილობენ. სწავლა-სწავლების პროცესის გამარტივების მიზნით, სკოლაში პრაქტიკული გაკვეთილი დაიგეგმა, სადაც პატარებმა თავად შექმნეს გეომეტრიული სივრცითი ფიგურების შესასწავლი რესურსი. ამის ამსახველ ფოტოებს დღეს, 11 აპრილს, სკოლა საკუთარ სოცილურ ქსელში აქვეყნებს.

აქტივობა მეორეკლასელებს პედაგოგმა ლალი ნასყიდაშვილმა ჩაუტარა. შერჩეული დავალება კი ასეთი გახლდათ, უნდა შეექმნათ „გეომეტრიული ხე”, რომელშიც სივრცულ ფიგურებს ფიგურებს გამოსახავდნენ.

სკოლის განცახდებით, აქტივობა სახალისო გამოვიდა და მეორეკლასელებმა, როგორც  პრაქტიკული, ისე წარმოსახვითი უნარების განვითარება შეძლეს.

პედაგოგებო, თქვენი გამოცდილებაც გაგვიზიარეთ, რომელ აქტივობებს იყენებთ მოსწავლეებთან სივრცული ფიგურების უკეთ შესასწავლად.