საახალწლო გზავნილი თანატოლებს ქედის საჯარო სკოლის მოსწავლეებისგან (ვიდეო)
აჭარაში, სოფელი ქედის უფროსკლასელებმა, პიროტექნიკის გამოყენების წინააღმდეგ სპეციალური ვიდეომიმართვა ჩაწერეს და თანატოლებს მოუწოდეს უარი თქვან მათ შეძენაზე.
მოსწავლეების ვიდეო მიმართვა სკოლამ 28 დეკემბერს, Facebook-ის საკუთარ გვერდზე გამოაქვეყნა.
„პიროტექნიკა ზიანის მომტანია გარემოსთვის. გარდა გამოყენების ყველა უარყოფითი შედეგისა, მისი მოხმარების შედეგად გამოყოფილი ტოქსინები შესაძლოა ათწლეულების განმავლობაში დარჩეს გარემოში. ის ძალიან დიდ ზიანს აყენებს ოთხფეხა ცხოველებს, გავუფრთხილდეთ მათ“, – ამბობენ ქედის საჯარო სკოლის მოსწავლეები ვიდეოში, რომლის ბოლოსაც, შეძახილი „არა პიროტექნიკას“ ისმის.
შეგახსენებთ, რომ 2023 წელს პიროტექნიკის აკრძალვის მოთხოვნით პეტიცია შეიქმნა და საკანონმდებლო ინიციატივაც შემუშავდა. პიროტექნიკის გამოყენების აგრძალვასთან დაკავშირებით გადაწყვეტილება საკანომდებლო ორგანოს ჯერ არ მიუღია. პროცესი პარლამენტში განხილვის ეტაპზეა.
-
„საგზაო ნიშნების სამყაროში“ – შემოქმედებითი აქტივობა პირველკლასელებთან by სკოლების ამბები
-
„როგორ გაატარეთ ზაფხულის არდადეგები?“ – სახიფათო კითხვის ალტერნატივა სკოლის პირველ დღეს by მთავარი ედუზე
-
შემეცნების და აღმოჩენების დროა – წიგნები, რომლებიც 6-დან 16 წლამდე მოსწავლეებმა ზაფხულის არდადეგებზე უნდა წაიკითხონ by სკოლების ამბები
