საჩხერის მე-2 საჯარო სკოლის მოსწავლეები სამეურნეო პრაქტიკას საკუთარი სკოლის ეზოში გადიან

2023 წლის ნოემბრიდან საჩხერის მე-2 საჯარო სკოლის საშუალო საფეხურის მოსწავლეები ღია და დახურულ გრუნტში ბოსტნეული და ბაღჩეული კულტურების წარმოებას სწავლობენ და პრაქტიკას საკუთარი სკოლის ეზოში გადიან.

როგორც საჯარო სკოლის მიერ 6 მარტს გამოქვეყნებული ფოტოებიდან ჩანს, საშუალო საფეხურის მოსწავლეები ეუფლებიან ღია და დახურულ გრუნტში ბოსტნეული და ბაღჩეული კულტურებისთვის ნიადაგის მომზადება – დამუშავებას, სარგავი კულტურის შესაბამისად თესვას, ჩითილის წარმოებას, გადარგვასა და მოვლას.

„სკოლის ნაკვეთში დაწყებული გვაქვს ასევე სათბურის მოწყობის სამუშაოებიც“, – ვკითხულობთ საჩხერის მე-2 საჯარო სკოლის მიერ გამოქვეყნებულ ინფორმაციაში.