სასწავლო დღე ეროვნული სამოსითა და დეტალებით – თბილისის კლასიკური გიმნაზიის მოსწავლეთა ლამაზი აქტივობა (+ფოტოები)

კლასიკური გიმნაზიის მოსწავლეებმა სამკაულები, ქუდი, ფაფახი, ყაბალახი, თავსაფრი, ნაქარგი ქისები, სამაჯურები, ტრადიციული გულსაბნევები, ქამრები, ასევე ეროვნული ტანსაცმლისთვის დამახასიათებელი სხვა აქსესუარები მოირგეს.

როგორც EDU.ARIS.GE-ს 5 დეკემბერს, კლასიკურ გიმნაზიის მოსწავლთა თვითმართველობაში უთხრეს: “ეროვნული სამოსის დღისადმი მიძღვნილი ღონისძიება წელს პირველად ჩატარდა და დანერგვაც გვინდა სკოლაში, რომ ყოველ წელიწადს გაგრძელდეს”.

ოფიციალურად, ეროვნული სამოსის დღე არაერთი წელია, მთელი საქართველოს მასშტაბით 18 მაისს აღინიშნება. მისი მიზანი ქართული კულტურის პოპულარიზაცია და მისი ქვეყნის საზღვრებს გარეთ გატანაა.