სკოლა “ოპიზას” II კლასში მათემატიკური ვიქტორინა ჩატარდა

სკოლა “ოპიზას” IIა კლასში ჩატარდა მათემატიკური ვიქტორინა: ,,დაფიქრდი და გამოიცანი“ (ხელმძღვ. ჯული საჯაია). სამ გუნდად დაყოფილი მოსწავლეები მონდომებით ჩაერთვნენ კონკურსში.

ბავშვებმა სათანადო ცოდნა გამოავლინეს ლოგიკური ამოცანების ამოხსნისას. გამოვლინდა გამარჯვებული გუნდი ,,პითა-გორელები“. სამივე გუნდი დაჯილდოვდა ფასიანი საჩუქრებით და ქების სიგელებით. ვიქტორინას მშობლებთან ერთად ესწრებოდა სკოლის დირექცია, პედაგოგები და ჟიურის წევრები.

“მოსწავლეებში ცოდნის ამაღლების მიზნით საგანმანათლებლო ვიქტორინები მომავალშიც ჩატარდება”, – აღნიშნა კლასის დამრიგებელმა ჯული საჯაიამ.