სკოლის ეზოში გაშლილი სუფრა – მოსწავლეებმა ძველი ტრადიცია გააცოცხლეს

ქუთაისის 35-ე საჯარო სკოლის მე-3 კლასის მოსწავლეებმა ძველი კახური ტრადიცია, „არიფანა“- ყვავილთა დღესასწაული გააცოცხლეს და სკოლის ეზოში სუფრაც გაშალეს.

როგორც სკოლის 6 მარტს გამოქვეყნებულ ინფორმაციაში ვკითხულობთ, გაზაფხულის მზიანი დღეების დადგომა მოსწავლეებს განსაკუთრებით გაეხარდათ, მათ სკოლის ეზოში გაშალეს სუფრა, რომელსაც ამშვენებდა გაზაფხულის ყვავილები და შინ დამზადებული სანოვაგე.

„ჩვენმა მოსწავლეებმა, იქვე წარმოთქვეს ლექსები გაზაფხულსა და ყვავილებზე“,- ვკითხულობთ სკოლის მიერ გავრცელებულ ინფორმაციაში.