სკოლის მოსწავლეებისთვის ესეების კონკურსი – „წიგნიერი 2024“ გამოცხადდა

საქართველოს პარლამენტის ეროვნული ბიბლიოთეკა მე-10 და მე-11 კლასის მოსწავლეებისთვის ლიტერატურული ესეების კონკურსს „წიგნიერი 2024“ იწყებს.

წელს კონკურსი ჩატარდება როგორც თბილისში ისე საქართველოს დიდ ქალაქებში – ქუთაისში, ზუგდიდში, ბათუმსა და თელავში.

როგორ მივიღოთ კონკურსში მონაწილეობა და რა მოთხოვნებს უნდა ვაკმაყოფილებდეთ:

კონკურსში ჩართვის მსურველმა მოსწავლემ 20 აპრილამდე უნდა შეავსოს განაცხადის ფორმა და წაიკითხოს შემდეგი 3 ნაწარმოები:

1. ერიხ მარია რემარკი – „დასავლეთის ფრონტი უცვლელია“

2. ლეონჰარდ ფრანკი – „იესოს მოწაფეები“

2. ბექა ქურხული „მკვლელი“

„ზემოთ ჩამოთვლილი ნაწარმოებების მიხედვით შერჩეული საკონკურსო ესეს სათაური გამოცხადდება უშუალოდ კონკურსის ჩატარების დღეს. თარიღს მოგვიანებით გაცნობებთ“, – ვკითხულობთ ეროვნული ბიბლიოთეკის მიერ გამოქვეყნებულ ინფორმაციაში.

კონკურსანტებს ესეს დასაწერად 4 საათი მიეცემათ. ნამუშევრებს ჩაიბარებს საკონკურსო კომისია. ჟიურის მიერ გამოვლენილი სამი საუკეთესო ესეს ავტორი დაჯილდოვდება სპეციალური პრიზით და საჩუქრებით.