თამარ მეფის სახელობის გიმნაზიის მოსწავლეები წერეთლების მემორიალურ ბინა-მუზეუმს ესტუმრნენ

წმიდა თამარ მეფის გიმნაზიის ექვთიმე ღვთისკაცის სახელობის IX ბ კლასი (დამრიგებელი თეონა მოდებაძე) კოტე და სოსო წერეთლების მემორიალურ ბინა-მუზეუმს ესტუმრნენ.

კოტე წერეთელი (1921-2004 წწ.) – ცნობილი ქართველი აღმოსავლეთმცოდნე, საქართველოში ებრაისტიკა-არამეისტიკის ფუძემდებელი, ხოლო სოსო წერეთელს (1958-1983 წწ.) საზოგადოება იცნობს როგორც „თვითმფრინავის ბიჭების“ ერთ-ერთ წევრს, მაგრამ ბევრმა არ იცის, რომ სოსო წერეთელმა თავისი ცხოვრების 25 წლის განმავლობაში, საბჭოთა რეჟიმისა და თითოეულ შემოქმედებით პიროვნებაზე დიდი წნეხის პირობებში თავისუფლებისადმი დიდი ლტოლვა შემოქმედებაში – ფერწერასა და გრაფიკაში გამოხატა.

მოსწავლეებმა დაათვალიერეს და გაეცნენ კოტე წერეთლის, სამეცნიერო ნაშრომებს, დაათვალიერეს სოსო წერეთლის, ნახატები.

მუზეუმის დათვალიერების შემდეგ მონაწილეობა მიიღეს შემეცნებით-საგანმანათლებლო პროგრამაში „იალქნებიდან სამოსამდე”.

მრავალფეროვანი ფოტო და ვიდეომასალის გამოყენებით ნახეს და მოისმინეს: როგორ გახდა გემის იალქანი ჯინსის წინამორბედი; რატომ გახდა ჯინსი თავისუფლების სიმბოლო;„რკინის ფარდის“ ისტორიები და თავისუფლების მნიშვნელობა.

სკოლის სხვა ამბები