თბილისი 72-ე საჯარო სკოლის მოსწავლეებმა გრაფიკული პოსტერების კონკურსში მონაწილეობისთვის სერტიფიკატებით დაჯილდოვდნენ

გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრმა, ბიომრავალფეროვნების საერთაშორისო დღესთან დაკავშირებით, რომელიც 22 მაისს აღინიშნება, სკოლის მოსწავლეთათვის ჩაატარა გრაფიკული პოსტერების კონკურსი სახელწოდებით ,,ჩვენი ხსნა ბუნებაშია’’.

ქალაქ თბილისი 72-ე საჯარო სკოლის მოსწავლეებმა: ბექა ბოლქვაძემ (მე-6დ კლასი) და ნანო გოგბერაშვილმა (მე-10გ კლასი) მონაწილეობა მიიღეს სამინისტროს მიერ ორგანიზებულ ვებინარში, მოამზადეს გრაფიკული პოსტერები და დაჯილდოვდნენ სერტიფიკატებით.