თბილისის 161-ე საჯარო სკოლის პედაგოგები უკეთეს სამედიცინო მომსახურებას უფასოდ მიიღებენ

თბილისის 161-ე საჯარო სკოლის პედაგოგები სახელმწიფოსგან ისედაც სარგებლობდნენ საშეღავათო სამედიცინო ტარიფით, მაგრამ 9 ნოემბერიდან მათ ბევრად მეტ სამედიცინო სერვისზე ექნებათ უფასოდ წვდომის შესაძლებლობა.

საქმე იმაშია, რომ თბილისის 161-ე საჯარო სკოლასა და ვახტანგ ბოჭორიშვილის სახელობის კლინიკა-ს შორის ურთიერთშეთანხმების მემორანდუმი გაფორმდა და სკოლის 186 პედაგოგი აღნიშნულ კლინიკაში, ყოველ 6 თვეში ერთხელ, სრულიად უფასოდ ჩაიტარებს სხვადასხვა სამედიცინო გამოკვლევებს. საუბარია შემდეგი სახის ამბულატორიულ მომსახურებაზე: ექოსკოპია, თერაპია, უროლოგია, გინეკოლოგია, კარდიოლოგია.

ხოლო დიაგნოსტიკურ კვლევებზე პედაგოგებს 30%-იანი ფასდაკლება ექნებათ.