GE
22 ნოემბერი, 2019 12:18

თბილისის 42-ე საჯარო სკოლას თსუ-ის “ნორჩი ეკონომისტის სკოლის” წარმომადგენლები ესტუმრნენ

თბილისის 42-ე საჯარო სკოლას თბილისის სახელმწიფო უნივერსიტეტის “ნორჩი ეკონომისტის სკოლის” წარმომადგენლები ესტუმრნენ. სკოლაში სტუმრად იმყოფებოდნენ თსუ-ის „ნორჩი ეკონომისტის“ სკოლის ხელმძღვანელი მარი უკლება და თსუ-ის „საბავშვო უნივერსიტეტის“ კოორდინატორი მარინა ლომოური.

სტუმრები IX-X-XI კლასების მოსწავლეებს და ეკონომიკის საკითხებით დაინტერესებულ პედაგოგებს შეხვდნენ, გააცნეს მათ „ ნორჩი ეკონომისტის სკოლის“ მუშაობის ფორმატი და ესაუბრნენ თსუ-ის „საბავშვო უნივერსიტეტის“ საქმიანობის, გეგმებისა და პროგრამების შესახებ.

სტუმრებმა მოსწავლეებს და პედაგოგებს შესთავაზეს ინტერდისციპლინარული საკონფერენციო თემების მომზადება, რომელსაც კოორდინირებას თსუ-ის პროფესორები გაუწევენ.

პროექტი მიზნად ისახავს ახალგაზრდებში ეკონომიკური აზროვნების ჩამოყალიბებას ადრეული ასაკიდანვე და საუნივერსიტეტო ცხოვრებაში ჩართულობის გაღრმავებას.

Aris.ge - განათლება განათლება