თბილისის 62-ე საჯარო სკოლის პირველკლასელებს საზეიმო გაკვეთილები უტარდებათ

ყოველი ახალი ასო-ბგერის სწავლის შემდეგ, თბილისის #62-ე საჯარო სკოლის პირველკლასელებს საზეიმო გაკვეთილი უტარდებათ.

როგორც სკოლა დღეს, 5 ოქტომბერს იუწყება, ეს იდეა პირველი კლასის დამრიგებელს, ინა ვერძეულს ეკუთვნის.

აი, რა ხდება ინა მასწავლებლის საზეიმო გაკვეთილზე :

გაკვეთილის დასაწყისში, მხიარული განწყობის შექმნის მიზნით, მოსწავლეები ისმენენ მათი საყვარელი პერსონაჟის, ჟოზეს სიმღერას ანბანზე, მასთან ერთად მღერიან, ჟრიამულობენ და ასახელებენ ნასწავლ ასო-ბგერებს.

შემდეგ მოსწავლეებს ურიგდებათ სამუშაო ბარათები, რათა იპოვონ და შემოხაზონ ახლად შესწავლილი ასოები. დავალებაზე კი მუშაობენ წყვილებში მუშაობენ.

ასეთია პატარების პირველი ნაბიჯები ანბანის ამოუწურავ, ფერად სამყაროში.

ისინი თითოეულ ასო-ბგერას სწავლობენ წვალებით, შრომით. ძალისხმევას არ აკლებენ. შემდეგ კი ერთად ზეიმობენ და საკუთარი ცოდნით იღებენ ბედნიერებას.