GE
თბილისის 72-ე სკოლამ π რიცხვის დღისადმი მიძღვნილ ფესტივალში მიიღეს მონაწილეობა

უკვე ტრადიციად იქცა თბილისის 72-ე სკოლის მოსწავლეებისთვის საერთაშორისო პი რიცხვის დღისადმი მიძღვნილ ფესტივალში მონაწილეობის მიღება.

ფესტივალის თარიღი, მსოფლიოში აღიარებული მათემატიკის დღესასწაულს π = 3,14 რიცხვის დღეს ემთხვევა, რომელიც მესამე თვის 14-ში აღინიშნება.

მოსწავლეებმა (პედ. ლელა ხუნაშვილი) ყველა დაგეგმილი აქტივობა წარმატებით განახორციელეს და ფესტივალის ორგანიზატორის დაჩი ნანობაშვილისა და მასწავლებლის გლობალური ჯილდოს ათეულში გასულ ლადო აფხაზავას დიდი მოწონება დაიმსახურეს.

ფესტივალი გაგრძელდა 18 მარტს, შიდა სასკოლო პროექტის სახით. დილით მოსწავლეებმა პი რიცხვის მუსიკის ფონზე დაარიგეს ფლაერები და მეგობრებს გააცნეს ამ რიცხვის შინაარსი და მნიშვნელობა.

დღის ბოლოს მოეწყო გამოფენის შეფასება და გამოვლინდა 10 საუკეთესო ნამუშევარი, მათ შორის სკოლის დირექტორის ქალბატონ მანანა კიკაჩეიშვილის მიერ სამი დაჯილდოვდა დიპლომით, ხოლო დანარჩენი სიგელებით.

Aris.ge - განათლება საგანმანათლებლო ინტერნეტ-პორტალი