თბილისის კლასიკური გიმნაზიის გოგონათა გუნდი „ფრენბურთის ტურნირი 2024“-ის გამარჯვებულია

მთაწმინდის რაიონის გამგეობა რაიონის საჯარო სკოლებს შორის  სპორტის სხვადასხვა სახეობაში ტურნირებს ატარებს. გუშინ, 25 მარტს დასრულდა „ფრენბურთის ტურნირი 2024“, რომელშიც მთაწმინდის რაიონის ყველა სკოლამ მიიღო მონაწილეობა.

კლასიკური გიმნაზიის ინფორმაციით, „ფრენბურთის ტურნირი 2024“-ზე I ადგილი სწორედ გიმნაზიის გოგონების გუნდმა დაიკავა. გოგონებმა ფინალურ თამასში 50-ე საჯარო სკოლა დაამარცხეს.

ფინალურ თამაშზე საპრიზო ადგილები ასე გადანაწილდა:

I ადგილი- I კლასიკური გიმნაზია;
II ადგილი- 50-ე საშუალო სკოლა;
III ადგილი- 51-ე საშუალო სკოლა;

ტურნირში გამარჯვებულებს მთაწმინდის რაიონის გამგეობის წარმომადგენლებმა სპეციალური პრიზები გადასცეს. პრიზიორებმა საჩუქრად თასები და მედლებიც მიიღეს.