ვეკუას სკოლის მოსწავლეების ინიციატივით პროექტი „აბა გამოიცანი“ განხორციელდა 

თბილისი 42-ე სკოლის მეცხრე კლასელების ნიკოლოზ ლობჟანიძისა და ნინო აბრამიშვილის ინიციატივითა და ორგანიზებით, მე-7-9 კლასის მოსწავლეებისათვის ჩატარდა სააზროვნო-შემეცნებითი კონკურსი – „აბა გამოიცანი“.

ღონისძიებაში მონაწილეობა მიიღო სკოლის მოსწავლეთა ოცმა გუნდმა. საკონკურსო თემატიკა კი გახლდათ ლოგიკური და სააზროვნო გამოცანები.

კონკურსის შედეგად გამოვლინდა გამარჯვებული: VIII-3 კლასის გუნდი – „ დისკრიმინანტი“.

კონკურსის ორგანიზატორებს და გამარჯვებულ მოსწავლეებს სკოლის ადმინისტრაციამ სერტიფიკატები გადასცა.