ველოსიპედით სკოლამდე – თბილისის 22-ე საჯარო სკოლის სპორტის პედაგოგის მისაბაძი არჩევანი
ამირან სვანიძე თბილისის 22-ე საჯარო სკოლის ფიზიკური აღზრდისა და სპორტის მასწავლებელია, მან საკუთარი საცხოვრებლიდან სკოლამდე გადადგილებისთვის ახალი და ეკოლოგიურად სუფთა სატრანსპორტო საშუალება შეარჩია. პედაგოგი ყველა სამუშაო დღეს, ისნიდან დიდუბემდე ელექტრო ველოსიპედით გადადგილდება. ამის შესახებ EDU.ARIS.GE-ს თბილისის 22-ე საჯარო სკოლის დირექტორი, რუსუდან ზედაშიძე მოუყვა.
სკოლის დირექტორის მონათხრობით, სპორტის პედაგოგი მსოფლიო ჩემპიონია ბერძნულ-რომაულ ჭიდაობაში, არის გამორჩეული ადამიანი და მოსწავლეებისთვის სამაგალითო პიროვნება.
იხილეთ ფოტო:
„გარდა იმისა რომ თავად ცხოვრობს ჯანსაღი ცხოვრების წესით, ის დიდი სტიმულის მიმცემია სკოლის კოლექტივისა და მოსწავლეებისთვის. მისი გზავნილიც ეს არის, რომ სპორტის პედაგოგი ჯანსაღი ცხოვრების წესით უნდა ცხოვრობდეს და თავად იყოს სამაგალითო. დიახ, მომავალი თაობებისთვის ჩვენ უნდა ვიყოთ მაგალითის მიმცემი, ეს არის ერთგვარი მესიჯი“, – აგვიხსნა ქალბატონმა რუსუდანმა.
როგორც გავარკვიეთ, სპორტის პედაგოგის ამ გადაწყვეტილებამ მთელი სასკოლო საზოგადოება დააფიქრა ელექტრო ველოსიპედის შეძენაზე.
აბა, როგორ მოგწონთ იდეა სამსახურამდე სწრაფი, ჯანსაღი და ეკოლოგიურად სუფთა ტრანსპორტით გადაადგილებაზე?
-
საფოსტო ბარათის ნიმუში მოსწავლეებისთვის – „თქვენგან მხოლოდ მისი ამობეჭდვაა საჭირო“ by სკოლების ამბები
-
რესურს ოთახის კარგი პრაქტიკა სკოლაში – „გაითვალისწინეთ, ეს სათამაშოები განსაკუთრებით მოსწონთ ბავშვებს“ by მთავარი ედუზე
-
„სკოლებო, გაანებივრეთ თქვენი პედაგოგები!” – სიმბოლური საჩუქარი კოლეგებისთვის და გულწრფელი გზავნილი სკოლებს by სკოლების ამბები
