„ვიხსენებთ როკს“ – თბილისის 90-ე საჯარო სკოლაში გაკვეთილი-კონცერტი ტარდება (+ვიდეო)

თბილისის 90-ე საჯარო სკოლის მე-10 ა კლასში გაკვეთილი-კონცერტი „ვიხსენებთ როკს“ ტარდება, რომელსაც მუსიკის პედაგოგი ქეთევან ვახტანგური უძღვება. ამ პროცესის ამსახველი ვიდეო სკოლამ სოციალურ ქსელში, საკუთარ გვერდზე გამოაქვეყნა.

იხილეთ: ვიდეო

როგორც EDU.ARIS.GE-ს სკოლაში უთხრეს, ალტერნატიული როკ მუსიკა მე-10 ა კლასის მოსწავლეების საყვარელი მუსიკალური ჟანრია და სწორედ ამიტომ, მუსიკის პედაგოგმა გადაწყვიტა, გაკვეთილი მოსწავლეებისთვის განსაკუთრებით საინტერესოდ წარემართა.

„გაკვეთილი-კონცერტი სკოლის სააქტო დარბაზში ჩატარდა და დიდი ოვაციებიც დაიმსახურა. არ ვიცოდით, თუ ჩვენს მეათეკლასელებს ასე კარგად შეეძლოთ სიმღერა. მუსიკალურთან ერთად, მხიარული დღეც გამოგვივიდა“, – გვითხრეს სკოლაში.