წერილები, რომლებიც მოსწავლეების იმედის წყაროდ იქცევა – დამრიგებლის იდეა 1 ივნისის აღსანიშნად

მასწავლებლის სიტყვას ხანგრძლივი ძალა აქვს.

პედაგოგისგან მიღებული გულთბილი წერილი, ხშირად მოსწავლისთვის იმედის, მოტივაციის ან სულაც სიმშვიდის წყაროდ იქცევა.

სწორედ ამიტომ, დაწყებითი კლასების დამრიგებელმა, მაგდა მიქაბერიძემ EDU.ARIS.GE-ს საკუთარი ხელით შექმნილი შთამაგონებელი წერილების შაბლონები გაუზიარა.

მასწავლებლის წერილის შაბლონი

„წერილები, რომლებსაც შეუძლია, ბავშვების გულში სინათლე დატოვოს არა მხოლოდ 1 ივნისს, არამედ ნებისმიერ დღეს გამოიყენეთ“, – აღნიშნა მაგდა მასწავლებელმა.

1-ელ ივნისს მსოფლიო ბავშვთა დაცვის საერთაშორისო დღეს აღნიშნავს. ეს დღე 1925 წელს ჟენევაში, ბავშვთა კეთილდღეობისადმი მიძღვნილ კონგრესზე დაფუძნდა.