ყვავილები სკოლაში მომუშავე ყველა ქალბატონს – 8 მარტის აქტივობა მოსწავლეებისგან

ბათუმის ელიტური სკოლა „გორდას“ მოსწავლებმა ტრადიციას არც წელს უღალატეს და სკოლაში მომუშავე ყველა ქალბატონს ყვავილების თაიგულით მიულოცეს ქალთა საერთაშორისო დღე.

ამის ამსახველი ვიდეო სკოლამ, 8 მარტს ფეისბუკისსაკუთარ გვერდზე გამოაქვეყნა.

ვიდეოკადრებში ჩანს როგორი პატივისცემითა და მოკრძალებით გადასცემენ კალათაში მოთავსებულ ნარცისების თაიგულს ქალბატონებს მოსწავლეები.

„სკოლის დირექცია უერთდება მოსწავლეების ინიციატივას, გაზაფხულის შემობრძანებასა და ქალთა დღესასწაულს ულოცავს გორდას ლამაზმანებს. უფლის წყალობა, ლამაზი, მზიანი, სიხარულიანი და სიყვარულიანი დღეები ყოფილიყოს თქვენი ცხოვრების თანამდევი“,-ვკითხულობთ ქალებისადმი სკოლის მილოცვის წერილში.